كابۋلدا تەراكت بولدى

اۋعانستان استاناسى كابۋلداعى تەراكت كەسىرىنەن كەمىندە 4 ادام جاراقاتتاندى، - دەپ مالىمدەيدى Al Jazeera اقپارات اگەنتتىگى.

ىشكى ىستەر مينيسترلىگىنىڭ ءباسپاسوز حاتشىسى نادجيب دانيشتىڭ (Najib Danish) ايتۋىنشا، جۇما كۇنى قالانىڭ شىعىس بولىگىندە شەتەلدىك ازاماتتارعا تيەسىلى كولىك جانىندا جارىلىس بولعان.

پوليتسيا باسشىسى بيسميلا تابان (Bismillah Tabaan) جارىلىسقا ءوز-ءوزىن جارىپ جىبەرگەن تەرروريستەر سەبەپ بولعانىن مالىمدەدى. كۋاگەرلەردىڭ ايتۋىنشا، جارىلىس كەسىرىنەن 1 ادام كوز جۇمىپ، تورتەۋى جارالاندى.

كابۋلدا وسى ۋاقىتقا دەيىن يگيل مەن "تاليبان" يسلامدىق توپتارىنىڭ ۇيىمداستىرۋىمەن بىرنەشە شابۋىل بولدى. قاڭتاردا شامامەن 130 ادام قايتىس بولعان ەكى شابۋىلدى "تاليبان" ءوز موينىنا الدى.

جەرگىلىكتى بيلىك وكىلدەرىنىڭ ايتۋىنشا، اۋعانستان وڭتۇستىگىندەگى وتكىزۋ-باقىلاۋ پۋنكتىنە جاساعان شابۋىلدان كەمىندە 6 پوليتسيا قىزمەتكەرى مەرت بولدى.

“The Qazaq Times”