يەرۋساليمدەگى شىركەۋ يزرايل ساياساتىنا نارىزىلىق رەتىندە 3 كۇن جابىق بولعاننان كەيىن سارسەنبى كۇنى قايتا اشىلدى، - مالىمدەيدى Al Jazeera اقپارات اگەنتتىگى.
كىلتتەرگە جاۋاپتى ادەب دجۋدە (Adeeb Joudeh) شىركەۋ جەرگىلىكتى ۋاقىت بويىنشا، ساعات 04.00-تە اشىلعانىن ايتتى.
"بۇل جەڭىس. پاسحا دا كەلە جاتىر. جۇزدەگەن ادام 3 كۇن بويى شىركەۋ سىرتىندا دۇعا ەتۋگە ءماجبۇر بولعان" - دەيدى دجۋدە.
حريستيانداردىڭ كوپشىلىگى بۇل شىركەۋدى ەرەكشە قاسيەتتى سانايدى. جەكسەنبى كۇنى كاتوليك، ارميان جانە گرەك شىركەۋ وكىلدەرى ءيزرايلدىڭ يەرۋساليمدەگى حريستيانداردىڭ قۇقىعىن شەكتەۋگە بايلانىستى نارازىلىقتارىن ءبىلدىرىپ، شىركەۋ ەسىگىن جاۋىپ تاستاعان.
بۇل شىركەۋ سوڭعى رەت 1990 جىلى 48 ساعاتقا شىركەۋ جانىنداعى عيماراتتى العان ەۆرەيلەردىڭ نارازىلىعىنان جابىلعان بولاتىن.
شىركەۋ باسشىلارىنىڭ ايتۋىنشا، بۇل شەشىم بىرنەشە فاكتورعا نەگىزدەلدى. ولاردىڭ ىشىندە بۇرىن جەكە كومپانيالار جالعا العان شىركەۋ وبەكتىلەرىن ەندى مەملەكەتتىڭ قايتا قولىنا الۋى تۋرالى زاڭ جوباسى بار. تاعى ءبىر سەبەبى رەتىندە شىركەۋلەرگە سالىق سالۋ قاراستىرىلعان.
يزرايلگە "پالەستينالىق حريستيستياندارعا قىسىم كورسەتتى" دەپ حالىقارالىق قوعامداستىق ايىپ تاققاننان كەيىن سەيسەنبى كۇنى يزرايل ۇكىمەتى شىركەۋلەرگە جانە ولاردىڭ مۇلىكتەرىنە سالىق سالۋ تۋرالى زاڭدى توقتاتا تۇرۋعا شەشىم قابىلدادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟