وڭتۇستىك كورەيانىڭ پروكۋراتۋراسى بۇرىنعى پرەزيدەنت پاك گين حيەگە (پاك كىن حە/ Park Geun-hye) 30 باس بوستاندىعىنان ايىرۋ جانە سىبايلاس جەمقورلىق قىلمىسى ءۇشىن 110 ملن اقش دوللارى كولەمىندە ايىپپۇل سالۋدى سۇرادى. بۇرىنعى پرەزيدەنتتىڭ ۇستىنەن قوزعالعان ءىستىڭ ناتيجەسىندە پاك گين حيە مەملەكەتتىڭ قىزمەتتەن قۋىلدى جانە بىرقاتار لاۋازىمدىلار تۇرمەگە جابىلعان ەدى. بۇل تۋرالى WSJ باسىلىمى حابارلادى.

بۇگىن تۇستەن بۇرىن وتكەن سوت وتىرىسىندا پروكۋراتۋراسى پاك گين حيەنى سىبايلاس جەمقورلىق ءىسىنىڭ بىردەن-ءبىر «جەتەكشىسى» دەپ كورسەتتى. پروكۋراتۋرانىڭ ايىپتاۋى بويىنشا، بۇرىنعى كونسەرۆاتيۆتى پرەزيدەنت ءوزىنىڭ جاقىن دوسى چوي سوون-سيلمەن كەلىسىپ، كورەياداعى وتباسىلىق كونگلومەراتتاردان اقشا تابۋ ىسىنە مەملەكەتتىك قولداۋ كورسەتكەن.

وتكەن جىلى ءساۋىر ايىندا وعان اتالعان ايىپتار تاعىلدى جانە بيلىگىن اسىرا پايدالانۋ مەن مەملەكەتتىك قۇپيالىقتاردى سىرتقا شاشۋ ايىپتارى دا قوسىلدى. دەگەنمەن، وڭتۇستىك كورەيانىڭ جوعارى سوتى بۇرىنعى پرەزيدەنت تۋرالى سوت شەشىمىن شىعارمادى.

“The Qazaq Times”