ساۋد ارابياسى ۇكىمەتىن قايتا قۇرىپ جاتىر

ساۋد ارابياسىنىڭ حانى سالمان ۇزدىك اسكەري قولباسشىلارىن جۇمىستان شىعارىپ،  ءوزىنىڭ كابينەتىن تولىقتاي قايتا قۇردى، - دەپ مالىمدەيدى Al Jazeera اقپارات اگەنتتىگى.

جۇمىستان شىعارىلعانداردىڭ قاتارىندا ساۋد اسكەرى شتابىنىڭ باسشىسى، قۇرلىق جانە اۋە اسكەرىنىڭ باسشىلارى بار.

شتابتىڭ جاڭا باسشىسى بولىپ فەياد بين حامەد ال-رۋۆەيلي (Fayyad bin Hamed al-Ruwayli ) سايلاندى.

تامادۋر بين يۋسسەف ال-راماح (Tamadur bint Youssef al-Ramah) ەڭبەك ءمينيسترىنىڭ ورىنباسارى بولىپ سايلاندى (حاندىقتا ايەلدىڭ وسىنداي لاۋازىمدى ورىنعا سايلانۋى - سيرەك جاعداي)

حاننىڭ تەك اسكەري سالانى ەمەس، جالپى ۇكىمەتتى قايتا قۇرىپ جاتقان سەبەبى تۋرالى رەسمي اقپارات جوق. بىراق يەمەندەگى سوعىسقا بايلانىستى سىن كوبەيگەننەن كەيىن حان وسىنداي شەشىم قابىلداعان بولۋ كەرەك.

سينگاپۋرداعى "S Raja Ratnam" حالىقارالىق زەرتتەۋلەر مەكتەبىنىڭ (S Raja Ratnam School of International Studies) پروفەسسورى   دجەيمس دورسي (James Dorsey): "ۇكىمەتتى قايتا قۇرۋعا قاتىستى شەشىمدى دە ەلدىڭ بيلەۋشىسى سالماننىڭ كەلىسۋى ارقىلى ەمەس، ءوز بەتىنشە قابىلداۋدى ءجون كورىپتى. الداعى ۋاقىتتا تەك اسكەردە عانا ەمەس، جالپى پەرسونالدا سونداي وزگەرىستەر ورىن الادى. باسقاشا ايتقاندا، ول ءوز ادامدارىن قويادى. يەمەندەگى سوعىسقا قاتىستى نەگىزگى ماسەلە - ساۋد ارابياسى قوعامىنىڭ دا، ساۋدتىق اسكەردىڭ دە شىن نيەتىن بىلمەيتىنىمىز", - دەدى.

“The Qazaq Times”