رەسەي پرەزيدەنتى ۆلاديمير پۋتين ءسۇريانىڭ شىعىس گۋتا انكلاۆىندا "گۋمانيتارلىق ءدالىز" سالۋدى بۇيىردى، - دەپ حابارلايدى Euronews اقپارات اگەنتتىگى.

ەلدىڭ قورعانىس ءمينيسترى سەرگەي شويگۋ "ناقتى ورنالاساتىن جەرى جاقىندا بەلگىلى بولاتىنىن" مالىمدەدى.

بۇل ايماق 1 اپتادان استام ۋاقىت سۇريالىق اسكەردىڭ شابۋىلدارىنا كوز اشپاي كەلەدى. وتكەن دەمالىستا بۇۇ قاۋىپسىزدىك كەڭەسى ءبىراۋىزدان "1 ايعا شابۋىلدى توقتاتۋ كەرەك" دەپ داۋىس بەردى.

بىراق شابۋىلدار ءالى كۇنگە دەيىن باسەڭدەگەن جوق. ال جەرگىلىكتى تۇرعىندار بۇۇ-نىڭ ەشنارسە ىستەي الماعانىنا نارازىلىعىن بىلدىرۋدە.

ءسۇريا پرەزيدەنتى اسادتىڭ رەجيمىن رەسەي قولدايتىن ەل بولعاندىقتان، سول سەبەپتى رەسەيلىكتەر ءسۇريادان شابۋىلدى توقتاتۋدى تالاپ ەتە الادى. ءتىپتى "گۋمانيتارلىق ءدالىز" سالۋ كەزىندە كۇندەلىكتى تاڭعى ساعات 9-دان تۇنگى 02-گە دەيىن جەرگىلىكتى حالىققا "ەسىن جيناۋعا" ۋاقىت بەرىلمەك.

“The Qazaq Times”