تۇركيانىڭ باس شتاب باسقارماسى سوعىس جاعدايىنان مالىمدەمە جاسادى

ءبىر كۇن بۇرىن تۇركيانىڭ ءسۇريا جەرىندەگى قارۋلى كۇشتەرى مالىمدەمە جاساپ، افرين ايماعىندا تەررورلىق ۇيىمدارعا مۇشە 2 مىڭنان استام سودىردىڭ كوزىن جويعانىن ايتتى. بۇل تۋرالى تۇركيانىڭ «انادولى» رەسمي اقپاراتتىق اگەنتتىگى حابارلادى.

«ءزايتۇن بۇتاعى» دەپ اتاعان اسكەري وپەراتسيادا تۇركيا ارمياسى ءسۇريانىڭ سولتۇستىك ايماقتارىندا تەررورلىق كۇشتەرگە قارسى سوعىسۋدا. شابۋىل نىساناسىندا PKK/PYD, YPG جانە دايش تەررورلىق ۇيىمى دا بار. بۇل اتالعانداردىڭ باسىم كوبى كۇرد قارۋلى كۇشتەرىنەن قۇرالعان.

تۇركيانىڭ باس شتاب باسقارماسى بەرگەن مالىمەتكە قاراعاندا تۇرىك قارۋلى كۇشتەرى 2021 سودىردىڭ كوزىن جويعان. تۇركيا قارۋلى كۇشتەرى مەن ەركىن ءسۇريا ارمياسىنىڭ قۇرلىق قوسىندارىنا انكاراعا قاراستى اۋە كۇشتەرى دە كومەك بەرىپ جاتقانىن ايتادى.

قارۋلى وپەراتسيا 20 قاڭتاردا باستالعان بولاتىن. مالىمەتكە قاراعاندا، قازىرگە دەيىن ءافريننىڭ سولتۇستىك باتىسىنداعى رادجۋ اۋدانىندا شەيح مۇحاممەدلي، دۋدۋ، شەمالىك، ۆەليكلي جانە كاۆاندا جەرلەرى تەررورلىق ۇيىمداردان بوساتىلعان.

“The Qazaq Times”