اقش بياتلونشىلارى رەسەيدە وتەتىن الەم كۋبوگىنا بايكوت جاريالادى – دەپ حابارلايدى «نەمىس تولقىنى» اقپارات اگەنتتىگى.

اگەنتتىك مالىمەتىنشە، اقش بياتلون فەدەراتسياسى رەسەيدىڭ تۇمەن قالاسىندا وتەتىن الەم كۋبوگىنا قاتىسۋدان باس تارتقانى جونىندە ءوزىنىڭ Twitter پاراقشاسىنا جازعان. وندا فەدەراتسيا باسشىلىعى: «رەسەيدىڭ ءىس-ارەكەتى حالىقارلىق دوپينگكە قارسى اگەنتتىكتىڭ زاڭدارىنا ساكەس كەلمەيدى. تۇمەن قالاسىندا الەم كۋبوگىن وتكىزۋ الەمدىك دوپينگكە قارسى قاۋىمداستىققا پىسقىرىپتا قاراماۋ» - دەگەن.

ەستەرىڭىزگە سالايىق، بۇعان دەيىن كانادا بياتلون فەدەراتسياسى رەسەيدە وتەتىن الەم كۋبوگىنا قاتىسۋدان باس تارتقان بولاتىن. ولار وزدەرىنىڭ بۇنداي قادامعا بارۋىن رەسەي فەدەراتسياسىنىڭ دوپينگكە قارسى قۇرىلىمدارىنىڭ سەنىمسىزدىگىمەن تۇسىندىرگەن.

“The Qazaq Times”