پەنتاگون وكىلى كۇرد جاساقتارىنىڭ تۇرىكتەرگە قارسى اتتانعانىن مالىمدەدى

پەنتاگوننىڭ رەسمي وكىلى اقش-تىڭ سۇرياداعى دايش كۇشتەرىنە قارسى سوعىستاعى قولداۋشىلارىنىڭ ءبىرى YPG قارۋلى توبىنىڭ افرينگە قاراي بەت العانىن مالىمدەدى. بۇل تۋرالى VOA باسىلىمى حابارلادى.

پەنتاگون مالىمدەمەشىسى حەتتەر ناۋەرت مالىمدەمەسىندە، YPG قارۋلى كۇشتەرىنىڭ تۇركيا ارمياسى كىرگەن افرين ايماعىنا بەت العانىن، سەبەبى ايماقتا ولاردىڭ تۋىستارى بار بولۋى مۇمكىن ەكەنىن العا تارتتى. سونىمەن بىرگە، اقش اتالعان ۇيىممەن بۇرىنعىداي تەرروريزمگە قارسى ورتاق كۇرەسە المايتىنىن ايتتى.

اتالمىش YPG كۇشتەرى سۇرياداعى كۇرد جاساقتارىنان قۇرالعان «حالىقتىڭ ءوزىن ءوزى قورعاۋ ارمياسى» دەپ اتالادى. قۇراما شتات ءسۇريا جەرىندە دايش-كە قارسى كۇرەس قىزۋ ءجۇرىپ تۇرعان كەزىندە بۇل قارۋلى توپتاردى دا تەرروريزمگە قارسى كۇرەسۋشى وداقتاس كۇش رەتىندە ساناپ، قارۋ-جاراقپەن قامتاماسىز ەتكەن. دەگەنمەن، تىكەلەي اقش-تىڭ قولداۋىندا دەپ قاداپ ايتۋ قيىن. سەبەبى، اقش باسقارعان تەرروريزمگە قارسى حالىقارالىق كواليتسيا YPG-گە قارۋ-جاراق بەرگەندىكتەن، 17 مەملەكەتتىڭ قارۋى اتالعان ۇيىمنان تابىلادى.

انكارا بيلىگى بۇل توپتى تۇركيا ىشىندەگى PKK جانە PYD كۇشتەرىمەن استىرتىن بايلانىسقان بولشەكتەۋشى تەررورلىق ۇيىم دەپ جاريالاعان.

“The Qazaq Times”