شىعىس گۋتالىق زارداپ شەككەن تۇرعىندار. فوتو: voachinese.com.

بۇۇ باس حاتشىسى انتونيو گۋتەرريش قاۋىپسىزدىك كەڭەستى 30 كۇن ىشىندە قاقتىعىستى توقتاتۋعا، شىعىس گۋتاداعى 400 تۇرعىنعا كومەكتەسۋگە شاقىردى. ول سوزىندە: «بۇل تۇرعىندار جەر بەتىندەگى توزاقتا قالىپ وتىر»، – دەپ الاڭداۋشىلىعىن ءبىلدىردى. بۇل تۋرالى VOA اقپاراتتىق سايتى حابارلادى.

بىلتىر ءسۇريا پرەزيدەنتى باشار اسادتى قولدايتىن رەسەي، يران جانە تۇركيا ءۇش ەل ورتاسىنداعى كەلىسىم بويىنشا، شىعىس گۋتا سۇرياداعى «قاقتىعىسسىز ايماقتىڭ» ءبىرى بولعان. الايدا، ءسۇريا ۇكىمەت كۇشتەرى مەن ونىڭ وداقتاستارى بۇل اۋماقتا شابۋىلدارعا كوپ ۇشىراعاندىقتان شيەلەنىس ءورشي تۇسكەن. شىعىس گۋتا بولسا ءسۇريانىڭ ورتالىق قالاسى داماسك شاھارىنا جاقىن ءارى سەپاراتيستەردىڭ باقىلاۋىنداعى ءوڭىر بولىپ سانالادى.

بۇۇ جاريالاعان مالىمەتكە قاراعاندا، 4 اقپاننان بەرى اتالعان ايماقتا ەڭ از بولعاندا 346 ادام قازا بولعان. اقش تارابىنىڭ كەشە جاساعان مالىمدەمەسىندە رەسەي جانە ونىڭ سەرىكتەرىن «ورتا دەڭگەيدەگى دەمونستراتسيا ايماعىن» ساقتاۋعا دەگەن ۇمتىلىستى قۇرمەتتەۋگە شاقىردى. اسىرەسە، شىعىس گۋتا قاقتىعىستى بولدىرماۋعا كوبىرەك كۇش سالۋىن ءۇمىت ەتتى. ءارى ايماق تۇرعىندارىنا گۋمانيتارلىق كومەك جەتكىزۋگە جانە زورلىق-زومبىلىق ارەكەتتەرىن توقتاتۋعا تىرىساتىنىن ءبىلدىردى.

“The Qazaq Times”