يزرايل پرەمەرى. فوتو: Nashdom.u.

ەلدەگى پوليتسيا تارابىنان جەمقورلىقپەن ايىپتالىپ جاتقان يزرايل پرەمەر-ءمينيسترىنىڭ ۇستىنەن قوسىمشا ايىپتار جامالا ءتۇستى. بۇل جولى بەنيامين نەتانياحۋعا «كەڭەسشىلەرىن جۇمساپ سوت تورەشىسىن ساتىپ الماق بولدى» دەگەن ايىپ تاعىلدى. ايىپتاۋشى تاراپتىڭ ايتۋىنشا، سوت تورەشىسى ونىڭ ايەلى تۋرالى تەرگەۋدى جاباتىن بولسا، مەملەكەتتىك پروكۋرور قىزمەتىنە تاعايىندايتىنىن ايتىپ ۋادە بەرگەن. بۇل تۋرالى «شينلاڭ» اقپاراتتىق سايتى حابارلادى.

پوليتسيا تارابىنىڭ جاساعان مالىمدەمەسىنە قاراعاندا، نەتانياحۋدىڭ بۇرىنعى كەڭەسشىلەرى نير نەفەتس پەن ەلي كاميردى سوت تورەشىسىنە جىبەرىپ، ايەلىنە قاتىستى تەرگەۋدى جابۋدى ۇسىنعان جانە ايتقانىنداي ورىنداسا جوعارى لاۋازىمدى قىزمەتكە تاعايىندايتىنىن ايتقان.

يزرايل پرەمەر-ءمينيسترىنىڭ ايەلى سارا نەتانياحۋدىڭ ۇستىنەن «جالعان كۆيتانتسيا بەرۋ ارقىلى مەملەكەت رەزەرۆتەرىن  تەرىس پايدالانعان» دەگەن ايىپپەن تەرگەۋ جۇرگىزىلۋدە. بۇل ءىستى جەرگىلىكتى سوت تورەشىسى حيلا گرەتستەلدىڭ تەرگەۋىنە بەرگەن.

يزرايل پوليتسيا تارابى پرەمەر-ءمينيستردىڭ ەكى كەڭەسشىنىڭ تەرگەۋگە الىنعانىن، ءىستى حيلا گرەتستەل ءبىرىنشى بولىپ مالىمدەگەنىن ايتتى.

“The Qazaq Times”