ءسۇريا وپپوزيتسياسىنىڭ كوشباسشىسى ەو مەن حالىقارالىق قوعامداستىقتان داماسك ماڭىن بومبالاۋدى توقتاتۋ ءۇشىن شارا قولانۋدى سۇرادى، - دەپ حابارلايدى Euronews اقپارات اگەنتتىگى.

بريۋسسەلگە بارعان ساپارىندا ءسۇريانىڭ كەلىسسوزدەر كوميسسياسىنىڭ پرەزيدەنتى ناسر ال-حاريري (Nasr al-Hariri) شىعىس گوۋتادا بولىپ جاتقان جاعداي "اسكەري قىلمىس" ەكەندىگىن ايتتى.

ناسر ال-حاريري: "وداقتاستارىمىز جانە ولاردىڭ جاقتاستارى بۇۇ باسشىلىعىمەن رەجيمدى بىرلەسىپ وزگەرتۋگە تىرىسپاسا، سۇريالىق قاقتىعىس جالعاسا بەرەدى. باسپانا ىزدەپ ەلدەن قاشا جونەلگەن بوسقىندار كوبەيەدى، ەكسترەميزم قاۋپى جاھاندىق دەڭگەيدەگى ماسەلە بولىپ قالا بەرەدى. قانداي جاعداي بولماسىن ءسۇريا ءوز بەتىنشە شەشىم قابىلداي المايدى: بارلىعى رەسەي مەن يراننىڭ قولىندا. سەبەبى رەسەي كەلىسسوز جۇرگىزۋگە قىزىعۋشىلىق تانىتپاسا، ءسۇريا نە ىستەي الادى؟", - دەدى.

ساۋىردە ەكىنشى بريۋسسەل كونفەرەنتسياسى وتەتىندىكتەن، سۇرياداعى جاعداي سول كەزدە حالىقارالىق كۇن تارتىبىندە قاراستىرىلادى دەگەن ءۇمىت بار.

“The Qazaq Times”