يزرايلدىك «Delek Drilling» كومپانياسى مىسىرعا 15 ملرد-قا تابيعي گاز ەكسپورتتايتىنىن مالىمدەدى. بۇل ءيزرايلدىڭ گاز ونەركاسىبى تاريحىنداعى ەڭ قىمبات ەكسپورت كەلىسىمى (10 جىلعا جاسالادى) بولايىن دەپ وتىر، - دەپ حابارلايدىAl Jazeera اقپارات اگەنتتىگى.
دۇيسەنبى كۇنگى مالىمدەمەگە سەنسەك، مىسىرلىق «Dolphinus» كومپانياسى يزرايلدىك «Delek Drilling» كومپانياسىنان جانە ءوزىنىڭ امەريكالىق سەرىكتەسى «Noble»-دان 64 ملرد كۋب مەتر تابيعي گاز ساتىپ الماق.
ءيزرايلدىڭ پرەمەر-ءمينيسترى بينيامين نەتانياحۋ ( Benjamin Netanyahu) بۇل «تاريحي» كەلىسىم ەل قازىناسىن تولتىرا تۇسەتىنىن، سونىمەن قاتار يزرايل ەكونوميكاسىن (قاۋىپسىزدىگىن دە) كۇشەيتىپ، ايماقتىق قارىم-قاتىناسىن نىعايتاتىنىن ايتتى.
«Delek Drilling»-تىڭ باس ديرەكتورى يوسسي ابۋ (Yossi Abu) اتالعان كەلىسىم «مىسىردى ايماقتىق ەنەرگەتيكالىق ورتالىققا اينالدىرادى» دەدى.
ءيزرايلدىڭ جەرورتا تەڭىزى ماڭىنداعى تامار جانە لەۆيافان گاز كەن ورىندارىنان مىسىرعا گازدىڭ قانداي جولمەن جەتەتىنىن كومپانيالار ءالى ناقتىلاعان جوق. يزرايلدىك كومپانيا "ونىڭ جولدارى كوپ، EMG (East Mediterranean Gas Company) قۇبىرلارىن دا پايدالانۋعا بولادى" دەيدى.
مىسىردىڭ سولتۇستىك سينايداعى ال-اريشتان (al-Arish) يزرايلدەگى اشكەلونعا 2005 جىلى جاسالعان 20 جىلدىق كەلىسىمشارتقا ساي، EMG قۇبىرلارى ارقىلى تابيعي گاز تاسىمالدانعان (مىسىردىڭ وزندە دە تابيعي گازدىڭ ايتارلىقتاي قورى بار). قۇبىرعا بىرنەشە مارتە شابۋىل جاسالعاننان كەيىن 2012 جىلى كەلىسىمشارت كۇشىن جويدى. سىنشىلار حوسني مۇباراك (Hosni Mubarak) كەزىندەگى كەلىسىمشارتتى جاقتىرمادى، سەبەبى، ولاردىڭ ويىنشا، يزرايل ۇكىمەتى گاز ءۇشىن از اقشا تولەگەن.
يزرايل وزىندەگى تامار جانە لەۆيافان گاز كەن ورىندارىن 2009 جانە 2010 جىلدارى تاپتى. سول كەزدەن بەرى يزرايل تابيعي گازدىڭ حالىقارالىق ەكسپورتەرى اتانۋعا تىرىسىپ جاتىر. 2016 جىلدىڭ قىركۇيەگىندە يزرايلدىك جانە يوردانيالىق فيرمالار گازعا بايلانىستى قۇنى 10 ملرد اقش دوللارى بولاتىن 15 جىلدىق كەلىسىمگە وتىردى.
مىسىر يزاريلمەن 1979 جىلى بەيبىت كەلىسىمگە كەلگەن العاشقى اراب ەلى بولاتىن.
ءيزرايلدىڭ يەرۋساليمدى استانا ەتىپ جاريالاۋىنا بايلانىستى جاعداي اراب ەلدەرىنىڭ نارازىلىعىن تۋدىرىپ، يزرايل مەن اراب ەلدەرى اراسىنداعى ونسىزدا كەرەعار قارىم-قاتىناستى ءتىپتى دە ۋشىقتىرا تۇسكەن بولاتىن. ال مىسىردىڭ وسى كەلىسىمشارت ارقىلى يزرايلمەن جاقىنداسا ءتۇسۋى باسقا اراب ەلدەرىنەن شەتتەتۋى مۇمكىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟