ەندى ساۋد ارابياسىندا ايەلدەرگە بيزنەس اشۋ ءۇشىن ەرلەرىنىڭ رۇقساتى كەرەك ەمەس. بۇل تۋرالى سول ەلدىڭ ساۋدا جانە ينۆەستيتسيا جونىندەگى مينيسترلىگىنە سىلتەمە جاساپ Arab News حابارلادى.
"ەندى قامقورشى ەرلەردىڭ رۇقساتى كەرەك ەمەس. ساۋدتىق ايەلدەر جەكە بيزنەسىن قالاۋىنشا باستاي الادى", - دەپ مالىمدەگەن مينيسترلىك.
وسىلايشا، ايەلدەرگە اشقالى وتىرعان كومپانيالارى ءۇشىن قۇجات الۋعا نوتاريۋسقا بارۋدىڭ قاجەتى بولمايدى. ولار مۇنىڭ ءبارىن ەلەكتروندى تۇردە جۇزەگە اسىرا الادى.
ەلدىڭ ايەلدەر مەن بالالاردىڭ قۇقىقتارىن قورعاۋ جونىندەگى دەپارتامەنتتىڭ مالىمەتىنشە، ساۋد ارابياسىندا ايەلدەردىڭ قۇقىقتارى مەن مۇمكىندىكتەرىنىڭ كوبەيۋى ۇكىمەت دامۋىنىڭ ۇردىسىنە ساي بولىپ وتىر.
"بۇل جاڭا قادام ءبىزدىڭ وتانداستاردىڭ تالانتتارىن ايقىنداۋعا جانە ءوز يدەيالارىن ناقتى بيزنەسكە اينالدىرۋعا مۇمكىندىك بەرەدى دەپ ويلايمىن. ساۋد ارابياسىندا، اسىرەسە، كوممەرتسيالىق سالادا ايەلدەردىڭ مۇمكىندىكتەرى كەڭەيە تۇسكەنىنە كۋا بولىپ وتىرمىز", - دەدى قۇقىق جونىندەگى ديما ال-شاريف.
ال بۇدان بۇرىن بۇل ەلدە ايەل ادامدار كەز كەلگەن مەملەكەتتىك قۇجاتتى تاپسىرۋ ءۇشىن وزىنە قامقورلىق ەتەتىن ەر ادامداردىڭ رۇقساتى كەرەك بولعان.
ايتا كەتەيىك، بۇدان بۇرىن ساۋد ارابياسى ايەلدەرگە سپورت كەشەندەرىنە جالعىز كەلە بەرۋگە جانە كولىك جۇرگىزۋگە رۇقسات ەتكەن ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر