فوتو: Euronews

Euronews اقپارات اگەنتتىگىنڭ مالىمدەۋىنشە، اقش فەدەرالدىق سوتى بەيسەنبى كۇنى "ەل چاپو" اتىمەن بەلگىلى مەكسيكالىق ەسىرتكى "پاتشاسى" حواكين گۋسمان (Joaquin Guzman) ءىسىنىڭ قارالاتىن كۇنىن 5 قىركۇيەككە قويدى. قازىر گۋزمانعا ەسىرتكى تاسىمالى جانە قاستاندىق ۇيىمداستىرعانى ءۇشىن ايىپ تاعىلىپ اقش تۇرمەسىندە وتىر.

اقش پروكۋرورلارى 60 جاستاعى گۋسماندى سينالوا كارتەلىنىڭ باسشىسى رەتىندە كوكاين، گەروين جانە مەتاامفەتاميننىڭ حالىقارالىق تاسىمالىن ۇيىمداستىرعانى جانە مەكسيكانىڭ ەسىرتكىمەن كۇرەسىندە 100 مىڭ ادامنىڭ ولىمىنە سەبەپ بولعانى ۇشىن ايىپتادى.

وكرۋگتىق سوت برايان كوگان (Brian Cogan) 23 نارۋىزدا القابيلەرگە تولتىرۋعا انكەتا بەرىلىپ، ولاردىڭ ەسىمدەرى سوت بولعان كۇنگە دەيىن جاسىرىن بولاتىنىن ايتتى.

سونىمەن قاتار بەيسەنبى كۇنى گۋسمان دەنساۋلىعىنىڭ ناشارلاۋى جانە تۇرمەدەگى جاعداي جايلى سوتپەن تىكەلەي سويلەسكىسى كەلگەن. بىراق كوگان ونداي مۇمكىندىكتى سوت ءىسىنىڭ الداعى قارالۋىندا بەرۋى مۇمكىن ەكەندىگىن ايتتى.

گۋسمان قورعاۋشىلارى ونىڭ تۇرمەدە وتكىزگەن بىرنەشە اي كەزىندە دەنساۋلىعى قاتتى ناشارلاپ كەتكەنىن مالىمدەدى.

گۋسمان 2016 جىلدىڭ قاڭتارىندا مەكسيكا بيلىگىنە ۇستالعان بولاتىن. بىراق وسىدان 6 اي بۇرىن تۋننەل ارقىلى مەكسيكاداعى تۇرمەدەن قاشىپ كەتكەننەن كەيىن 2017 جىلدىڭ قاڭتارىندا اقش-قا ەكستراديتسيالاندى.

“The Qazaq Times”