مۇسىلمان ايەل-اكىمگە قاۋىپ ءتونىپ تۇر

اقش-تىڭ ميننەسوتا شتاتىندا ءبىرىنشى رەت مۇسىلمان اكىم بولعالى وتىرعان ايەل ومىرىنە قاۋىپ توندىرەتىن حاتتار العانىن ايتتى، - دەپ حابارلايدى Al Jazeera اقپارات اگەنتتىگى.

ميننەاپوليستان وڭتۇستىك-شىعىسقا قاراي 160 شاقىرىم جەردە ورنالاسقان روچەستەر قالاسىنىڭ اكىمدىگىنە سايلانىپ جاتقان رەگينا مۋستافا (Regina Mustafa) وسى اپتانىڭ باسىندا "Militia Movement"-تىڭ "ولتىرەمىز" دەپ عالامتوردا قوقان لوقى كورسەتكەنىن ايتتى.

ءوزىنىڭ تۆيتتەر اككاۋنتىندا رەگينا: "بىراق مەن جولىمنان تايمايمىن.  ءازىل دەپ قاراستىرۋعا بولمايدى. حالقىنا قىزمەت ەتۋدى كوزدەيتىن ادام سايلاۋ كەزىندە قورقىنىش سەزىمىندە بولماۋ كەرەك" دەپ جازدى.

مۋستافا وزىنە كەلىپ تۇسكەن قورقىتۋ حاتتارىن پوليتسياعا جولداعان.

روچەستەردىڭ 114 مىڭ حالقىنىڭ 12  مىڭعا جۋىعى مۇسىلماندار.

امەريكا-يسلام قارىم-قاتىناسى جونىندەگى كەڭەس (CAIR) پوليتسيادان بۇل ىسكە قاتىستى تەرگەۋ جۇرگىزۋىن تالاپ ەتتى.

CAIR -دىڭ ميننەسوتاداعى بولىمشەسىنىڭ اتقارۋشى ديرەكتورى دجايلاني حۋسەين (Jaylani Hussein): ء"بىز مەملەكەتتىك جانە فەدەرالدى قۇقىق قورعاۋ ورگاندارىنان شتاتىمىزدىڭ ساياسي ىسىنە ارالاسۋعا ۇمتىلاتىنداردىڭ مۇسىلماندار قاۋىمداستىعىنىڭ مۇشەلەرىنە قاۋىپ توندىرۋىنە قاتىستى ءىس قوزعاۋدى تالاپ ەتەمىز", - دەدى.

“The Qazaq Times”