ساۋدتىق ايەلدەرگە ەر-رياد قالاسىنداعى فۋتبول ستاديونىندا جانۇيالارعا ارنالعان ورىندا ماتچ كورۋگە رۇقسات بەرىلدى، - دەپ حابارلايدى Euronews اقپارات اگەنتتىگى. بۇل پاتشالىق تاريحىنداعى ماڭىزدى ءسات بولىپ وتىر.

بۇل قادامدى ساۋد ارابيانىڭ ايەلدەرگە قاتىستى شەكتەۋلەرىن جەڭىلدەتە باستاۋى دەپ قابىلداساق بولادى.

ەر-ريادتاعى ويىن كەزىندە جوعارى مەكتەبىنىڭ مۇعالىمى نورا: "مەن نە ىستەگىم كەلەدى، سونى ىستەيمىن. مەنىڭ نە ىستەگىم كەلەتىنىن باسقا ادام شەشپەيدى. ونى جالعىز مەن شەشەمىن. بۇل جاي مەنىڭ ادام ەكەنىمدى بىلدىرەدى", - دەگەن.

ال ەسىمىن جاسىرىپ قالعان فۋتبول جانكۇيەرى: "مەنىڭ ويىمشا، مۇنداي شارالارعا كەلگەندە ەر بولسىن، ايەل بولسىن، ەشقانداي ايىرماشىلىق جوق. سول سەبەپتى بۇل شەشىمنىڭ قابىلدانعانىنا وتە قۋانىشتىمىن", - دەدى.

پاتشالىقتا جاقىندا بيلىك باسىنا كەلگەن حانزادا باستاعان رەفورمالار شەڭبەرىندە قاڭتاردان باستاپ ستاديوندارعا ايەلدەرگە كىرۋگە رۇقسات بەرىلدى.

سونىمەن قاتار ماۋسىم ايىنان باستاپ ايەلدەرگە كولىك ايداۋعا رۇقسات بەرىلگەن ەدى. وسى ۋاقىتقا دەيىن ساۋد ارابيا تەك ەرلەرى كولىك ايدايتىن جالعىز ەل بولىپ كەلدى.

“The Qazaq Times”