اقش پرەزيدەنتى دونالد ترامپ پەن رەسەي باسشىسى ۆلاديمير پۋتين تەلەفون ارقىلى سويلەستى – دەپ حابارلايدى اق ءۇي ءباسپاسوز قىزمەتى.

اقپان ايىنىڭ 12-ءسى كۇنى دونالد ترامپ پەن ۆلاديمير پۋتين تەلەفون ارقىلى سويلەسكەن. سويلەسۋ بارىسىندا ەكى ەل باسشىلارى يزرايل مەن پالەستينا ماسەلەسى جونىندە، سولتۇستىك كورەيانىڭ يادرولىق باعدارلاماسى جونىندە پىكىر الماسقان.

بۇدان بولەك دونالد ترامپ ۆلاديمير پۋتينگە ماسكەۋ تۇبىندە 71 ادامنىڭ ءومىرىن قيعان ان-148 ۇشاعىنىڭ اپاتقا ۇشىراۋىنا بايلانىستى كوڭىل ايتقان.

ەستەرىڭىزگە سالايىق، بۇعان دەيىن ۆلاديمير پۋتين 2017 جىلدىڭ 11 جەلتوقسانىندا «دونالد ترامپتىڭ يەرۋساليم قالاسىن يزرايل استاناسى دەپ مويىنداۋى تاياۋ شىعىستاعى جاعدايدى ۋشىقتىرىپ جىبەرۋى مۇمكىن» - دەپ مالىمدەگەن بولاتىن.

“The Qazaq Times”