Aن-148 ۇشاعىنىڭ قالدىقتارى. فوتو: Life.ru via / AP

رەسەيدەگى ۇشاق اپاتىنان قازا تاپقان 71 ادامنىڭ ىشىندە ەكيپاجدىڭ التى مۇشەسى جانە ءۇش بالا بولعان. الدىن الا مالىمەت بويىنشا، بالالاردىڭ ۇلكەنى 17 جاستا، ەكىنشىسى – 13 جاستا، ءۇشىنشىسى – بەس جاستا.

رەسەيدىڭ تەرگەۋ كوميتەتىنىڭ توراعاسى الەكساندر باسترىكين ماسكەۋ تۇبىندە بولعان ۇشاق اپاتىن تەرگەۋدى اسا ماڭىزدى ىستەر جونىندەگى باسقارماعا تاپسىرعان.

ايتا كەتەيىك، ان-148 جولاۋشى ۇشاعىندا 71 ادام بولعان. ۇشاق وتكەن جەكسەنبى كۇنى دومودەدوۆو اۋەجايىنان ورسك باعىتىنا ۇشىپ شىققاننان كەيىن، بىرنەشە مينۋتتەن سوڭ ماسكەۋ تۇبىندەگى رامەنسك اۋدانىندا اپاتقا ۇشىراعان.

رەسەي باس پروكۋراتۋراسى ۇشاق تيەسىلى بولعان "ساراتوۆ اۋە جولدارى" كومپانياسىن تەكسەرىپ جاتىر.

ورىنبور وبلىسى بيلىگى 12 اقپاندى ازا تۇتۋ كۇنى دەپ جاريالادى.

“The Qazaq Times”