پرەزيدەنتتەردىڭ جالاقىسى قانداي؟

قوعامدا وزگەنىڭ جالاقىسىنا دەگەن قىزىعۋشىلىق بۇرىننان بولعان جانە بولا بەرەتىن سياقتى. بىراق جالاقىسى جايلى ءتىپتى جاقىندارىڭ مەن بۇرىننان كەلە جاتقان ارىپتەستەرىڭ دە اشىلىپ ەشنارسە ايتقىسى كەلمەيدى. ال پرەزيدەنتتەر مەن پرەمەر-مينيسترلاردىڭ جالاقىلارى جايلى اقپارات قۇپيا ەمەس. رaywizard.org اقپاراتىنا سۇيەنە، الەم ەلدەرى پرەزيدەنتتەرىنىڭ ەڭبەكاقىلارى كورسەتىلگەن ءتىزىمدى ء(وسۋ رەتىمەن) ۇسىنامىز.

دونالد ترامپ، اقش پرەزيدەنتى

جىلىنا 1 اقش دوللارى

فوتو: © Shealah Craighead/Wikipediا

ترامپ جىلىنا 400 مىڭ اقشش دوللارىن قۇرايتىن پرەزيدەنت جالاقىسىنان باس تارتقان (ايىنا 33 مىڭ، كۇنىنە 1095). زاڭ بويىنشا، پرەزيدەنت ەڭبەگى ءۇشىن قانداي دا ءبىر قاراجات الۋ كەرەك بولعاندىقتان، ول جىلدىق جالاقىسىن 1 اقش دوللارى كولەمىندە بەكىتكەن. ترامپتىڭ مۇلكى شامامەن 3 ملرد اقش دوللارىنا باعالانادى، سول سەبەپتى پرەزيدەنتتىڭ جالاقىسىنا ول مۇقتاج ەمەس. وعان دەيىن گەربەرت گۋۆەر مەن دجون كەننەدي دە پرەزيدەنتتىك جالاقىسىز جۇمىس ىستەگەن بولاتىن.

سي تسزينپين، قىتاي حالىق رەسپۋبليكاسى پرەزيدەنتى

جىلىنا 20 593 اقش دوللارى

فوتو: © Narendra Modi/Wikimedia

بۇل 2015 جىلى ءتسزينپيننىڭ جالاقىسىن 62 %-عا كوتەرگەننەن كەيىنگى ەڭبەكاقى كولەمى (ايىنا 1716, كۇنىنە 56 اقش دوللارى). پرەزيدەنتتىڭ ءوزى دە، جۇبايى دا ەشقانداي كاسىپكەرلىكپەن اينالىسپايدى. بىراق ونىڭ جاقىن تۋىستارىنىڭ قازىناسى شاشامەن 376 ملن اقش دوللارعا باعالانادى.

ۆلاديمير پۋتين، رەسەي فەدەراتسياسى پرەزيدەنتى

جىلىنا 151 مىڭ اقش دوللارى

فوتو: © Kremlin.ru/Wikimedia

ۆلاديمير پۋتين جىلىنا 151 032 اقش دوللار كولەمىندە جالاقى الادى (ايىنا 12 586, كۇنىنە 414 اقش دوللارى).

ەممانۋەل ماكرون، فرانتسيا پرەزيدەنتى

جىلىنا 211 مىڭ اقش دوللارى

فوتو: © EU2017EE Estonian Presidency - Tallinn Digital Summit/Wikipedia

فرانتسيا تاريحىنداعى ەڭ جاس پرەزيدەنت ەممانۋەل ماكروننىڭ جالاقىسى 211 530 اقش دوللارىن قۇرايدى (ايىنا 17 628, كۇنىنە 580 اقش دوللارى). ساياساتكەر بولماي تۇرىپ ماكرون بانك ىسىندە بىلىكتى مامان بولعانى ءۇشىن "قارجى موتسارتى" دەگەن لاقاپ اتقا يە بولعان (كوميسسيادان تۇسەتىن پايداسى جىلىنا 1 ملن اقش دوللارى شاماسىندا بولعان).

انگەلا مەركەل، گەرمانيا فەدەراتيۆتى رەسپۋبليكاسى پرەزيدەنتى

جىلىنا 263 مىڭ اقش دوللارى

فوتو: © Armin Linnartz/Wikipedia

انگەلا مەركەلدىڭ جىلدىق جالاقىسى 263 مىڭ اقش دوللارى (ايىنا 22 مىڭ، كۇنىنە 72 اقش دوللارى). ول جۇبايىمەن بەرلين ورتالىعىنداعى 5-قاباتتى تۇرعىن ۇيدە تۇرادى.

دجاستين تريۋدو، كانادا پرەمەر-ءمينيسترى

جىلىنا 267 مىڭ اقش دوللارى

فوتو: © Women Deliver - Women Deliver 2019 Conference Location Announcement/Wikimedia

كانادالىق پرەمەر-ءمينيستردىڭ جىلدىڭ جالاقىسى 267 415 اقش دوللارىن قۇرايدى (ايىنا 22 285, كۇنىنە 733 اقش دوللارى). بىراق وتكەن جىلى دجاستين تريۋدو ميلليونەر-دوسى كاريم اگا-حان حانزاداسى ەسەبىنەن باگام ارالدارىنا دەمالىسقا بارىپ قايتقانى ءۇشىن ساياسي داۋعا ىلىككەن بولاتىن.

دوريس لويتحارد، شۆەيتساريا پرەزيدەنتى

جىلىنا 437 مىڭ اقش دوللارى

فوتو: © Bundeskanzlei/Wikipedia

شۆەيتساريادا پرەزيدەنتتى مينيسترلەر اراسىنان 1 جىلعا سايلايدى، سول سەبەپتى ونىڭ جالاقىسى باسقا مينيسترلەرمەن بىردەي بولادى. پرەزيدەنت پوستىنا وسىمەن ەكىنشى رەت سايلانعان دوريس لويتحاردتىڭ جالاقىسى جىلىنا 437 مىڭ اقش دوللارىن قۇرايدى (ايىنا 36 مىڭ، كۇنىنە 1200اقش دوللارى).

لي سيانلۋن، سينگاپۋر پرەمەر-ءمينيسترى

جىلىنا 2,2 ملن اقش دوللارى

فوتو: © Sikarin Thanachaiary for the World Economic Forum/Wikimedia

لي سيانلۋن پرەزيدەنت ورنىنا ءوزىنىڭ اكەسى لي كۋان يۋدان كەيىن وتىردى. لي كۋان يۋ كەزىندە سينگاپۋر ەكونوميكاسى شارىقتاپ دامىعان بولاتىن. قازىر لي سيانلۋن دا اكەسىنىڭ ساياساتىن جالعاستىرىپ جاتىر. ونىڭ جالاقىسى الەم ەلدەرى پرەزيدەنتتەرى ەڭبەكاقىلارى اراسىندا ەڭ جوعارعىسى (ايىنا 147 مىڭ، كۇنىنە 7 350 اقش دوللارى) بوىپ تابىلادى. ەلدىڭ جالپى بيلىك باسىندا وتىرعان 31 ادامنىڭ جالاقىسىنا جىلىنا 53 ملن اقش دوللارى جۇمسالاتىن كورىنەدى.

لي سيانلۋننىڭ جالاقىسى 2,2 ملن-نان دا كوپ بولعان، بىراق جەرگىلىكتى حالىق نارازىلىعىنان كەيىن ونى 36 %-عا ازايتقان. قازىردىڭ وزىندە سينگاپۋر پرەمەر-ءمينيسترىنىڭ جالاقى كولەمى كانادا، اۆستريا، شۆەيتساريا، بەلگيا، رەسەي جانە اۆستراليا باسشىلارىنىڭ جالاقىلارىن قوسا ەسەپتەگەندەگىدەن كوپ.

“The Qazaq Times”