اقش يراكتاعى اسكەرىن شەگىندىرەدى

اقش يراكتاعى دايش تەررورلىق ۇيىمىنا قارسى كۇرەستىڭ اياقتالۋىنا بايلانىستى، يراكتاعى قارۋلى كۇشتەرىنىڭ سانىن ازايتاتىنىن مالىمدەدى. بۇعان دەيىن اسكەري قولباسشىلىق شتاب ارقىلى باسقارىلعان اسكەرلەر سانىن قىسقارتىپ، شاعىن قاۋىپسىزدىك توپتارىنا اينالدىرماق. بۇل تۋرالى Associated Press News حابارلايدى.

اقش وسىعان دەيىن يراكتاعى جانە سۇرياداعى دايش تەررورلىق ۇيىمىنا قارسى بىرىككەن حالىقارالىق كواليتسيانى باسقارىپ كەلدى. بىرىككەن كواليتسيا جاعىنان جاسالعان مالىمدەمەدە، يراك جەرىندەگى دايش كۇشتەرى باسىپ العان 98 پايىز جەردى تەررورلاردان بوساتقانى العا تارتىلعان. سونداي-اق، اقش اسكەرلەرىنىڭ سانىن ازايتىپ، قاۋىپسىزدىك ساقتاۋ قوسىندارىنا اينالدىراتىنى ايتىلعان.

وزدەرىن «يسلام مەملەكەتى» اتاعان تەررورلىق ۇيىم، ءسۇريا مەن يراك جەرىندە جەڭىلىس تاپتى. بىراق تولىعىمەن جوعالىپ كەتكەن جوق. اتالعان مالىمدەمەدە الداعى ۋاقىتتا دايش كۇشتەرى ءوزىنىڭ ماقساتىن كوبىندە تەررورلىق شابۋىلدار ارقىلى جۇزەگە اسىرادى دەپ بولجاعان.

“The Qazaq Times”