يزرايل مىڭداعان افريكالىق بوسقىندى ەلدەن قۋىپ جاتىر

Al Jazeera اقپارات اگەنتتىگىنىڭ مالىمەتىنشە، يزرايلدەگى 40 مىڭعا جۋىق افريكالىق ازامات دەپورتاتسيالانادى.

ولار ءوز ەلدەرىندەگى سوعىس، اشتىق جانە قۋعىن-سۇرگىننەن قاشىپ، باسپانا ىزدەپ كەلگەن. باسىم كوپشىلىگى ەريترەيا مەن سۋداننان ەگيپەت ارقىلى يزرايلگە كەلىپ، جاقسىراق ءومىر ءسۇرۋدى كوزدەيدى. بىراق ۇكىمەت ولاردى "ينفيلتراتتار" دەپ اتاپ، ەلدىڭ "يۋدەيلىك سيپاتىنا" نۇقسان كەلتىرەدى دەپ ويلايدى.

افريكالىق بوسقىنداردىڭ يزرايلگە تەك قورعانىس ىزدەپ كەلگەنىن، بوتەن ەشقانداي ويلارىنىڭ جوق ەكەندىگىنە جەرگىلىكتى بيلىكتىڭ سەنگىسى جوق.

يزرايل دەپورتاتسيا وردەرلەرىن تولتىرۋدى باستاپ كەتتى. ەندىگى كەزەكتە بوسقىنداردا 2 تاڭداۋ عانا بار: ۇكىمەت بەرگەن اقشاعا (3500 اقش دوللارى) تۋعان جەرلەرىنە بيلەت الۋ نەمەسە تۇرمەگە قامالۋ (ەكىنشىسىن تاڭداپ قويعاندار بار). ەلدەن كەتۋ ءۇشىن بوسقىندارعا 60 كۇن بەرىلەدى.

“The Qazaq Times”