фото: independent.co

Al Jazeera ақпарат агенттігінің мәліметінше, Израильдегі 40 мыңға жуық африкалық азамат депортацияланады.

Олар өз елдеріндегі соғыс, аштық және қуғын-сүргіннен қашып, баспана іздеп келген. Басым көпшілігі Эритрея мен Суданнан Египет арқылы Израильге келіп, жақсырақ өмір сүруді көздейді. Бірақ үкімет оларды "инфильтраттар" деп атап, елдің "иудейлік сипатына" нұқсан келтіреді деп ойлайды.

Африкалық босқындардың Израильге тек қорғаныс іздеп келгенін, бөтен ешқандай ойларының жоқ екендігіне жергілікті биліктің сенгісі жоқ.

Израиль депортация ордерлерін толтыруды бастап кетті. Ендігі кезекте босқындарда 2 таңдау ғана бар: үкімет берген ақшаға (3500 АҚШ доллары) туған жерлеріне билет алу немесе түрмеге қамалу (екіншісін таңдап қойғандар бар). Елден кету үшін босқындарға 60 күн беріледі.

“The Qazaq Times”