انكارادا جارىلىس تەررورلىق شابۋىل دەپ تانىلدى

ءبىرىنشى اقپاندا تۇركيانىڭ ورتالىق قالاسى انكارادا ورنالاسقان سالىق قىزمەتىنىڭ عيماراتىندا جارىلىس بولعان ەدى. كەشە تۇركيا قاۋىپسىزدىك تاراۋلارى جارىلىستىڭ تەررورلىق شابۋىل ەكەنىن تۇراقتاندىردى. بۇل تۋرالى سول ەلدىڭ «انادولى» اقپاراتتىق اگەنتتىگى حابارلادى.

جارىلىس سەبەبىن انىقتاۋ كەزىندە بومبا تۇيمەشىگى تابىلعان، كەيىن سول ماڭداعى باقىلاۋ كامەرالارىن تەكسەرۋ ارقىلى جارىلعىش سالىنعان سومكەنى ءبىر كۇدىكتىنىڭ عيماراتقا الىپ كىرگەنى انىقتالعان. كۇدىكتىنى ىزدەۋ بارىسىندا قاۋىپسىزدىك قىزمەتكەرلەرى ونىڭ ءمايىتىن تاپقان. تۇركيا قاۋىپسىزدىك تاراۋلارى بۇل كۇدىكتىنى PYD/PKK ۇيىمىنىڭ مۇشەسى، تۇركيا جانە زاڭسىز كىرگەن دەپ مالىمدەدى. كۇردتەردىڭ تاۋەلسىزدىگى مەن اۆتونومياسى ءۇشىن كۇرەسەتىن بۇل ۇيىمدى رەسمي انكارا تەررورلىق ۇيىم دەپ تانىعان.

وقيعاعا قاتىسى بار دەگەن كۇدىكپەن 8 ادام تەرگەۋگە الىنعان، جارىلىستان ءۇش ادام اۋىر جاراقات العان.

“The Qazaq Times”