فوتو: Forbes.kz

2017 جىلى "ەير استانا" اۋە كومپانياسىنىڭ جولارۋشىلار تاسىمالى 12%-عا، كىرىسى 22%-عا كوبەيگەن. مىسالى وتكەن جىلى اۋەكومپانيا  4,2 ملن جولاۋشى تاسىمالداعان. جۇك تاسىمالى 30%-دى قۇرادى. بۇل تۋرالى كومپانيانىڭ ءباسپاسوز قىزمەتى حابارلادى. 

استانادان دەلي جانە كيەۆ، سونداي-اق، لوندون، پەكين، سەۋل، ماسكەۋ، سانكت-پەتەربۋرگ، ەكاتەرينبۋرگ، نوۆوسيبيرسك، ومبى، تبيليسي، تاشكەنت، ستامبۋل، بانگكوك، دۋباي جانە ءۇرىمشى سىندى قالالارعا جاڭا رەيستەردىڭ اشىلۋىنا بايلانىستى تاسىمال سىيىمدىلىعى 7%-عا كوبەيگەن.

كومپانيا مالىمەتىنشە، 2017 جىلى جاڭا ا321neo اۋەلاينەرىن ساتىپ العان. بۇل كومپانيا فلوتىنداعى ا320neo لاينەرىنىڭ ەكىنشى ءتۇرى. بۇدان بولەك E2 جاڭا  ۇشاقتارىنا تاپسىرىس بەرىلدى، ولار2018 جىلدىڭ قازان ايىنان باستاپ جەتكىزىلەتىن بولادى. تاپسىرىس بەرىلگەن ۇشاقتاردىڭ جالپى سانى 23-كە جەتكەن (ونىڭ 15-ءى ا320neo ۇشاعىنىڭ تۇرلەرى، 5-ەۋى E2, 3-ەۋى Boeing 787).

“The Qazaq Times”