فوتو: AP

تۇركيا كاتاردا ورنالاسقان اسكەري بازاسىنداعى قۇرلىق اسكەرىنە قوسىمشا اۋە جانە تەڭىز اسكەري كۇشتەرىن جەتكىزۋدى جوسپارلاپ وتىر. تۇركيانىڭ كاتارداعى ەلشىسى فيكرەت وزەر اسكەريلەردىڭ جەتكىزىلەتىن كۇنىن اتاعان جوق. ول دوحادا جۋرناليستەرگە بەرگەن سۇحباتى بارىسىندا: "2014 جىلى تۇركيا مەن كاتار اراسىندا قابىلدانعان كەلىسىمشارت نەگىزىندە اۋە، قۇرلىق جانە تەڭىز اسكەري كۇشتەرى كاتاردا ورنالاستىرىلادى" دەپ حابارلادى. بۇل تۋرالى ءال-جازيرا اقپاراتتىق اگەنتتىگى جازدى. 

تۇركيا ەلشىسى ەكى ەل اراسىنداعى الدا بولاتىن كەلىسسوزدەر كەزىندە اسكەريلەردىڭ كاتارداعى ءومىرىن قامتاماسىز ەتۋ ماسەلەسى مەن ينفراقۇرىلىم جاعدايى ءسوز بولاتىنىن ايتتى. تۇركيا كاتارداعى اسكەري بازاعا ءوز اسكەرىن العاش رەت 2015 جىلى اكەلگەن. بەس مىڭعا جۋىق اسكەرگە پانا بولا الاتىن اسكەري بازا دوحانىڭ وڭتۇستىك بولىگىندە ورنالاسقان. بۇل - تۇركيانىڭ تاياۋ شىعىستاعى العاشقى اسكەري بازاسى.

تۇركيا ەلشىسى قازىر كاتاردا ورنالاستىرىلعان تۇرىك اسكەرلەرىنىڭ ناقتى سانىن اتاۋدان باس تارتتى. ول بۇل مالىمەتپەن ءبولىسۋ ءۇشىن كاتار بيلىگىنىڭ رەسمي رۇقساتى كەرەكتىگىن ايتىپ اقتالدى. تۇركيا كاتارعا قارسى بەس اراب مەملەكەتى بلوكادا جاريالاعاننان باستاپ، مەملەكەتكە ۇلكەن قولداۋ كورسەتىپ كەلەدى.

“The Qazaq Times”