ترامپ ءوز ۇكىمەتى اقش ەكونوميكاسىن العا سۇيرەگەنىن ايتتى

قۇراما شتات پرەزيدەنتى دونالد ترامپ سەيسەنبى كۇنى كونگرەسس الدىندا جاساعان مالىمدەمەسىندە، اپاتتى جاعدايدا زارداپ شەككەندەر مەن قاھارماندارعا قۇرمەت بىلدىرەتىنىن ايتا كەلىپ، اقش ەكونوميكاسىنىڭ تابىستى جاعدايىنا توقتالدى. ول ءوز ۇكىمەتىنىڭ ەل ەكونوميكاسىن العا سۇيرەگەنىن ماقتانا ءسوز ەتتى. بۇل تۋرالى «WSJ» باسىلىمى حابارلادى.

ترامپ سوزىندە ۇزىن سونار ەكونوميكالىق ەسەپتەردى العا تارتتى، ايتالىق، ەلدە 2 ملن 400 مىڭ ادامعا جاڭا جۇمىس ورىنىنىڭ اشىلعان، ونىڭ ىشىندە 200 مىڭى ءوندىرۋشى ورىن، جالاقى جوعارلاي تۇسكەن، قۇراما شتاتتاعى جۇمىسسىزدىقتىڭ 45 جىلدان بەرى ەڭ تومەنگى دەڭگەيگە تۇسكەنىن  ايتتى. وعان قوسا اقش-تىڭ قور نارىعى 8 ترلن دوللارعا وسكەنىن دە اتاپ ءوتتى.

سونىمەن بىرگە ترامپ ءوز ۇكىمەتىنىڭ جانە قۇراما شتاتتىڭ بولاشاعى ءۇشىن ماڭىزدى جەتىستىكتىڭ ءبىرى بىلتىر جەلتوقسان ايىندا قول قويىلعان سالىق رەفورماسى تۋرالى زاڭ جوباسى ەكەنىن ايتتى.

ترامپ سوزىندە: «مەن وسىدان 11 اي بۇرىن ءدال وسى جەردە امەريكالىقتارعا ۋادە ەتكەنىمدەي، ءبىز اقش تاريحىنداعى ماڭىزدى سالىق رەفورماسىن تابىستى اتقاردىق. سول ارقىلى، ورتا-شاعىن بيزنەستى اۋىرتپالىقتان قۇتقاردىق»، – دەدى.

“The Qazaq Times”