نۇرسۇلتان نازارباەۆ بۇۇ-نىڭ قاۋىپسىزدىك كەڭەسىنىڭ وتىرىسىنان كەيىن قازاق حالقىنا راحمەت ايتتى.

نۇرسۇلتان نازارباەۆ قاڭتار ايىنىڭ 18-ءى كۇنى نيۋ-يورك قالاسىندا بۇۇ-نىڭ قاۋىپسىزدىك كەڭەسىنىڭ اشىلۋىنا قاتىستى. اتالمىش شارادان كەيىن ول قازاق حالقىنا راحمەت ايتتى. وندا ول: «25-26 جىل تاريح تا قاس-قاعىم ءسات. وسىنداي شارالار بولىپ جاتقاندا مەن ءوز ادامدارىمدى، ءوز حالقىمدى ويلايمىن. نەمىستەردىڭ گەرمانياسى بار، اعىلشىنداردىڭ ۇلىبريتانياسى بار ءبىز دە قازىر وسى قاتارعا تۇردىق جانە سول جولمەن ءجۇرىپ كەلە جاتىرمىز. مەن ءوز حالقىما راحمەت ايتقىم كەلەدى. وسىلاي تىنىشتىق پەن بەيبىتشىلىكتە العا جىلجىپ كەلە جاتقانىمىزعا» -دەگەن.

ەستەرىڭىزگە سالايىق، نۇرسۇلتان نازارباەۆ قاڭتار ايىنىڭ 16-سى مەن 18-ءى ارالىعىندا اقش-قا رەسمي ءىس-ساپارمەن بارعان بولاتىن. وندا ول امەريكا پرەزيدەنتى دونالد ترامپپەن كەزدەسىپ، قاۋىپسىزدىك جانە ارىپتەستىكتى دامىتۋ جونىندە كەلىسسوزدەر جۇرگىزگەن.

“The Qazaq Times”