فوتو عالامتور بەتتەرىنەن الىندى.

يزرايل مەن ءۇندىستان ەكسترەميزمگە قارسى كۇرەس جۇرگىزۋ ءۇشىن قاۋىپسىزدىك سالاسىندا كۇش بىرىكتىرەدى. وسىنداي مالىمدەمە جاساعان ءيزرايلدىڭ پرەمەر-ءمينيسترى بەندجامين نەتانياحۋ ۇندىستانعا سوڭعى 15 جىلداعى العاشقى ساپارى بارىسىندا قوس مەملەكەتكە راديكالدى يسلامنىڭ ءتوندىرىپ وتىرعان قاۋپىنە ەرەكشە توقتالدى. بۇل تۋرالى Reuters اقپاراتتىق اگەنتتىگى جازدى. 

ءۇندىستان ءوزى مۇنايعا تاۋەلدى بولعاندىقتان اراب مەملەكەتتەرىمەن قارىم-قاتىناسىنا سىزات ءتۇسىرىپ الماس ءۇشىن ونداعان جىلدار بويى يزرايلدەن ىرگەسىن اۋلاق سالىپ كەلدى. بۇل جاعداي ءۇندىستاننىڭ بيلەۋشى حيندي ۇلتتىق پارتياسىنىڭ باسشىسى نارەندرا ءموديدىڭ يزرايلگە رەسمي ساپارمەن بارىپ كەلگەنىنەن كەيىن تۇبەگەيلى وزگەردى.

ءۇندىستان پاكىستانداعى، ال يزرايل گازا سەكتورى مەن ەگيپەتتىڭ سيناي اۋماعىنداعى يسلامنىڭ اتىن جامىلعان اسكەري توپتاردىڭ شابۋىلىنان ايتارلىقتاي زارداپ شەگىپ كەلەدى. كەزدەسۋدەن سوڭ  بەندجامين نەتانياحۋ ء"بىز قوس مەملەكەتتىڭ ازاماتتىق، قاۋىپسىزدىك سالالارىنداعى بىرلەسكەن ءىس-قيمىلدارىن تالقىلادىق" - دەدى.

“The Qazaq Times”