اعا كەڭەسشىلەرىمەن كەزدەسكەن ترامپ يرانعا قارسى سانكتسيانى كۇشەيتپەك بولدى

اقش پرەزيدەنتى دونالد ترامپ ءوزىنىڭ اعا كەڭەسشىلەرىن تىڭداعاننان كەيىن، يرانعا قاراتىلعان سانكتسيانىڭ قۋاتىن كەڭەيتە تۇسۋگە شەشىم شىعارعان. وعان يراننىڭ يادرولىق جاعدايى بىرنەشە ايدان بەرى ءالى دە جاقسارا قويماعانى سەبەپ بولعان. بۇل تۋرالى «WSJ»-دىڭ رەسمي سايتىندا حابارلادى.

مالىمەتتەرگە قاراعاندا، يرانعا قارسى سانكتسيا تەبىنىن كۇشەيتەتىن كەزدە ترامپ يراننىڭ يادرولىق كەلىسىمىنە سالماق سالماي، ەل ۇكىمەتىنىڭ ادام قۇقىقتارىن بۇزۋىنا قارسى سانكتسيا سالۋى مۇمكىن ەكەن. اقش ۇكىمەتىنىڭ جوعارى لاۋازىمدىلارىنىڭ ءبىرى: «بەيسەنبى كۇنى تۇستەن كەيىن، پرەزيدەنت ترامپ كەڭسەسىندە اعا كەڭەسشىلەرىمەن وتكەن ماجىلىستەن كەيىن وسى شەشىمىن جاسادى. ەگەر يادرولىق كەلىسىمنەن وزگەرىس بولماي جاتسا، وندا جۇما كۇنى بۇل شەشىمىن جاريالايتىن بولادى»، – دەگەن مالىمەت بەردى.

اق ءۇيدىڭ وزگە دە ءبىر لاۋازىمدىسىنىڭ ايتۋىنشا، ترامپ يران يادرولىق كەلىسىمدەرىنە نارازىلىعىن تانىتقان كۇندە دە، ۋاقىتشا بولسا دا كەلىسىم شارتتى ساقتاپ تۇرۋى كەرەك ەكەنىن ايتادى. ءارى پرەزيدەنت ترامپتى شەشىمىنەن باس تارتۋعا شاقىرعان. الايدا، ترامپيىڭ ويىنشا، يران يادرولىق كەلىسىمىندە يراننىڭ سانكتسياعا قارسى يممۋنيتەتى تىم كۇشتى ەتىپ بەرىلگەن، سوندىقتان بۇل يران يادرولىق جاعدايىن جاقسارتۋعا قاۋقارسىز كەلىسىم.

اقش جەرگىلىكتى ۋاقىتىمەن قازىر جۇمانىڭ ءتۇنى كىرۋدە. بۇل تۋرالى شەشىمدەردىڭ جاريا بولعانى تۋرالى مالىمەتتەر جوق.

“The Qazaq Times”