يران بيلىگى باستاۋىش مەكتەپتەردە اعىلشىن ءتىلىن وقىتۋعا تىيىم سالدى

يران بيلىگى باستاۋىش مەكتەپتەردە اعىلشىن ءتىلىن وقىتۋعا تىيىم سالدى – دەپ حابارلايدى Reuters اقپارات اگەنتتىگى.

اگەنتتىك مالىمەتىنشە، يران يسلام رەسپۋبليكاسىنىڭ رۋحاني كوسەمى اياتوللا حامەنەي ەلدەگى باستاۋىش مەكتەپتەردە اعىلشىن ءتىلىن وقىتۋعا تىيىم سالعان. حامەنەيدىڭ ويىنشا، يران بالالارى جاستايىنان اعىلشىن ءتىلىن ۇيرەنۋ ارقىلى باتىس مادەنيەتىن بويىنا سىڭىرۋدە.

اياتوللا حامەنەيدىڭ بۇل باستاماسىن يران مەملەكەتتىك جوعارى ءبىلىم كەڭەسىنىڭ باسشىسى مەحدي ناۆيد-ادحامتا قولداعان. ول اتالمىش جاعدايعا بايلانىستى مالىمدەمەسىندە: «مەملەكەتتىك جانە جەكە مەنشىك باستاۋىش مەكتەپتەردە اعىلشىن ءتىلىن وقىتۋ كونستيتۋتسياعا قايشى»، - دەگەن.

ايتا كەتەتىن ءبىر جايت، ءبىزدىڭ ەلەمىزدە اعىلشىن ءتىلىن بىلاي قويعاندا باستاۋىش سىنىپتاردا قازاق تىلىمەن قاتار ورىس ءتىلى دە وقىتىلادى. وسىدان بىرنەشە جىل بۇرىن «ءۇش تىلدىك» ءبىلىم جۇيەسىنە قوعام تاراپىنان تۋىنداعان قارسىلىققا قاراماستان ءبىلىم جانە عىلىم مينيسترلىگى اتالمىش جۇيەنى ەنگىزگەن بولاتىن.وسىدان كەيىن قازاق بالالارى مەكتەپ ءبىتىرىپ شىققاندا قاي تىلدە ويلايتىنىن ايتۋ قازىردىڭ وزىندە قيىن.

“The Qazaq Times”