كاتولونيا داعدارىسى يسپانيا ەكونوميكاسىنا 1 ملرد ەۋرو شىعىن كەلتىرگەن. بۇل تۋرالى ەلدىڭ ەكونوميكا ءمينيسترى لۋيس دە گيندوس مالىمدەدى، دەپ حابارلايدى vestifinance.ru.
"بۇرىن كاتالونيانىڭ ەكونوميكالىق ءوسىمى يسپانيانىڭ كورسەتكىشىنە قاراعاندا جوعارى بولعان. ول يسپان ەكونوميكاسىنىڭ لوكوموتيۆى ەدى. الايدا 2017 جىلدىڭ 4 توقسانىندا ول "اۋىر جۇككە" اينالدى", - دەيدى دە گيندوس.
ءمينيستردىڭ سوزىنشە، كاتالونيا ەكونوميكا ءوسىمىنىڭ باسەڭدەۋى يسپانيانىڭ جالپى ىشكى ءونىم كورسەتكىشىنە ايتارلىقتاي اسەر ەتكەن. اقپاراتقا سەنسەك، كاتالونيا ەكونوميكاسىنىڭ ءوسىمى 0,9 پايىزدان 0,4 پايىزعا دەيىن ازايعان. 2017 جىلعى ساياسي وزگەرىستەردەن كەيىن 3 مىڭعا جۋىق كومپانيا كاتالونيا ماڭىندا جۇمىس ىستەۋىن توقتاتقان.
ايتا كەتەيىك، كاتالونيانىڭ يسپانيادان ءبولىنىپ شىعۋعا قاتىستى ارەكەتى 2017 جىلدىڭ قازان ايىنان باستالعان. مەملەكەتتىڭ تاۋەلسىزدىك ءۇشىن كۇرەسى 2018 جىلى جاڭا سيپات الۋ مۇمكىن. سەبەبى تاۋەلسىزدىك ءۇشىن بولعان وڭىرلىك سايلاۋدا سەپاراتيستەردىڭ داۋىسى باسىم بولىپ وتىر. ال وسىدان كەيىن يسپانيا ۇكىمەتىنىڭ باسشىسى ماريانو راحوي كاتالونيا ۇكىمەتىنىڭ باسشىسى كارلەس پۋدجەمونت پەن ءبىراز ساياساتكەرلەردى قىزمەتتەرىنەن شەتتەتكەن ەدى.
كاتالونيا - ءوزىنىڭ سالت-ءداستۇرى مەن ءتىلى، 7,5 ملن حالقى بار اۆتونوميا. فرانتسيامەن شەكتەسەدى جانە يسپانيا ءوندىرىسىنىڭ بەستەن ءبىر بولىگىن قۇرايدى. ال ەگەر كاتالونيا دەربەس مەملەكەت بولاتىن بولسا، وندا ونىڭ ءجىو پورتۋگاليا مەن فينليانديا ەلدەرىنىڭ كورسەتكىشىمەن تەڭ بولۋى مۇمكىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى