فرانتسيانىڭ پرەزيدەنتى ەممانۋەل ماكرون وسى اپتادا يرانعا جاساعالى وتىرعان رەسمي ساپارىن كۇشىنەن قالدىردى. بىراق ول يران پرەزيدەنتى حاسان رۋحانيمەن تەلەفون ارقىلى سويلەستى. بۇل تۋرالى «People» باسىلىمى حابارلادى.

تەلەفوندا سويلەسۋ كەزىندە فرانتسيا پرەزيدەنتى شەرۋدە قازا بولعاندارعا الاڭداۋشىلىق بىلدىرگەن. سونىمەن بىرگە، يران پرەزيدەنتىنەن ەل ازاماتتارىنىڭ وي-پىكىرىن ءبىلدىرۋ قۇقىعى مەن بوستاندىعىنا قۇرمەت ەتۋىن سۇراعان.

رۋحاني مەن ماكرون سويلەسۋ كەزىندە يران يادرولىق ماسەلەسىندە ءسوز ەتتى. ماكرون يرانمەن التى ەل جاساسقان يادرولىق كەلىسىمدى قولدايتىنىن ءبىلدىرىپ، فرانتسيا جاقتىڭ 2015 جىلعى كەلىسىمدە تاباندى بولاتىنىن ايتقان. رۋحاني دا بۇل كەلىسىمدى اتقاراتىنىن جەتكىزىپ، حالىقارالىق قاۋىمداستىقتى دا يران جانە التى ەل اراسىنداعى كەلىسىمگە قۇرمەت ەتۋگە شاقىراتىنىن ايتقان.

ايتا كەتەيىك، يرانداعى جاعدايعا بايلانىستى تۇركيا پرەزيدەنتى رەجەپ تايىپ ەردوعان دا يران پرەزيدەنتىنە قوڭىراۋ شالعان بولاتىن.

“The Qazaq Times”