فوتو: ecocci.org

تۇركيا پرەزيدەنتى رەجەپ تايىپ ەردوعان مەن يران باسشىسى حاسان روۋحاني تەلەفون ارقىلى سويلەستى – دەپ حابارلايدى Anadolu اقپارات اگەنتتىگى.

سويلەسۋ بارىسىندا رەجەپ تايىپ ەردوعان يراندا بولىپ جاتقان جاعدايلارعا الاڭداۋشىلىق بىلدىرەتىنىن جانە تۇركيا بيلىگى قاشان دا يران تۇراقتىلىعىن قولدايتىندىعىن ايتقان. ال حاسان روۋحاني ءوز كەزەگىندە تۇركيا باسشىسىنا قيىن-قىستاۋ كەزەڭدە قولداعانى ءۇشىن راحمەت ايتىپ، الداعى كۇندەرى ەلدە بولىپ جاتقان شەرۋلەردىڭ اياقتالاتىنىنا سەنىمدى ەكەندىگىن مالىمدەگەن.

ەستەرىڭىزگە سالايىق، 2017 جىلدىڭ 28 جەلتوقسانىنان بەرى يران حالقى جاپپاي شەرۋگە شىعۋدا. ولاردىڭ بۇنداي قادامدارعا بارۋىنىڭ باستى سەبەبى -قىمباتشىلىق پەن تۇرمىس دەڭگەيىنىڭ تومەندىگى.

“The Qazaq Times”