پۋتين: رەسەي ەكونوميكاسىنىڭ ءوسىمى الەمدىكىنەن اسىپ ءتۇسۋى كەرەك

رەسەي ەكونوميكاسى الەمدىك كورسەتكىشكە جەتىپ، ءتىپتى ودان دا اسىپ تۇسەدى. بۇل تۋرالى رەسەي پرەزيدەنتى  ۆلاديمير پۋتين مالىمدەدى.

"مەن بۇرىن ايتىپ كەتكەندەي ەكونوميكالىق داعدارىس، سىرتقى شەكتەۋلەر سالدارىنان ەكونوميكالىق ءوسىم الەمدىكىنەن جوعارى بولعان جوق، مۇمكىندىك بەرمەدى. بىراق ءبىز مۇنى مىندەتتى تۇردە ىستەۋىمىز كەرەك جانە ونى ىستەيمىز دە", - دەپ مالىمدەدى ول "ەدينايا روسسيا" سەزدىنە.

ول سونداي-اق، جاھاندىق ەكونوميكاسى ءىرى بەس ەلدىڭ قاتارىنا كىرىپ قانا قويماي، جان باسىنا شاققانداعى ءجىو كورسەتكىشى الدىڭعى قاتارلى ەلدەرمەن قارايلاس بولۋ كەرەكتىگىن اتاپ ءوتتى.

ء"دال وسى كورسەتكىش تەحنولوگيالىق ەكونوميكا، ەڭبەك ءوندىرىسىنىڭ دەڭگەيى جانە ادامداردىڭ ءال-اۋقاتىنىڭ ساپاسى قانداي ەكەنىن كورسەتەدى. بۇل ءۇشىن ءبىز ەلدىڭ بارلىق ينفراقۇرىلىمىن تۇبەگەيلى وزگەرتۋىمىز كەرەك", - دەدى پۋتين.

ايتا كەتەيىك، 2017 جىلعى ەسەپ بويىنشا رەسەيدىڭ ەكونوميكالىق ءوسىمى2012 جىلدان بەرى وزگەرىسسىز، شامامەن 3,3 پايىزدى قۇرايدى. ال الەم ەكونوميكاسىنىڭ كورسەتكىشى - بولجام بويىنشا 3,6 پايىز.

“The Qazaq Times”