يراننىڭ 2009-2013 جىلدار ارالىعىنداعى ۆيتسە-پرەزيدەنتى حاميد رەزە باكاي.

يراننىڭ ەكس-ۆيتسە-پرەزيدەنتى 63 جىلعا سوتتالدى – دەپ حابارلايدى ISNA اقپارات اگەنتتىگى.

"The Washington Post" باسىلىمىنىڭ مالىمەتىنشە، يران سوتى ەلدىڭ بۇرىنعى ۆيتسە-پرەزيدەنتى حاميد رەزە باكايدى 63 جىلعا باس بوستاندىعىنان ايىردى. وعان قىزمەتىن اسىرا پايدالاندى جانە مەملەكەت مۇلىگىن تالان-تاراج ەتتى دەگەن ايىپ تاعىلعان. يران قۇقىق قورعاۋ ورگاندارى ەڭ العاش ونى 2015 جىلى تۇتقىنداعان. بىراق كەيىننەن تەرگەۋ كەزىندە بوستاندىققا شىعارعان. باكاي 2017 جىلدىڭ مامىر ايىندا پرەزيدەنت سايلاۋىنا قاتىسۋعا ءوز كانديداتۋراسىن ۇسىنعان. الايدا ونىڭ ۇسىنىسىن ورتالىق سايلاۋ كوميسسياسى قابىلداماي تاستاعان. وسىدان كەيىن شىلدە ايىندا حاميد رەزە باكاي ەكىنشى رەت تۇتقىنعا الىنعان.

حاميد رەزە باكاي 2009-2013 جىلدار ارالىعىندا ۆيتسە-پرەزيدەنت بولعان. ول 2011 جىلدان باستاپ ۆيتسە-پرەزيدەنتتىكپەن قاتار پرەزيدەنت اكىمشىلىگىن باسقارعان.

“The Qazaq Times”