عالىمدار سمارتفوندى بىرگە الىپ جاتۋدىڭ قاۋىپتى ەكەنىن ايتتى

كاليفورنيا شتاتىنىڭ دەنساۋلىق ساقتاۋ دەپارتامەنتى ۇيىقتار كەزدە سمارتفوندى بىرگە الىپ جاتۋدىڭ قانداي قاۋىپتى بولاتىنى تۋرالى ەسەپ جاريالادى، دەپ حابارلايدى ريا نوۆوستي.

قۇجاتتا ايتىلعانداي، سمارتفون قۇرىلعىلارىنداعى راديوجيىلىكتەر ەستە ساقتاۋعا جانە ەستۋ قابىلەتىنە كەرى اسەرىن تيگىزەدى، ۇيقى كەزىندە ءتۇرلى پروبلەمالار تۋعىزىپ، باس اۋرۋلارىنا، بەدەۋلىككە جانە قاتەرلى ىسىككە اكەپ سوعۋى مۇمكىن.

سونداي-اق، سمارتفوندى شامادان تىس قولدانۋ - بالالار مەن جاسوسپىرىمدەر ءۇشىن ۇلكەن قاۋىپ. سەبەبى، راديوجيىلىك ەنەرگياسى بالالاردىڭ وسۋىنە اسەر ەتەتىندىكتەن، ولارعا گادجەت وتە زياندى جانە ءموبيلدى قۇرىلعىنى ۇزاق پايدالانۋ سالدارىنان جاسوسپىرىمدەردە تۇيسىك، مىنەز-قۇلىق پروبلەمالارى ءتىپتى  ەستۋ قابىلەتىنىڭ ناشارلاۋى سىندى پروبلەمالار تۋىنداۋى مۇمكىن.

بايانداما اۆتورلارى بۇدان بولەك تەلەفونمەن سويلەسكەن كەزدە قۇلاققاپتى پايدالانعان ءجون ەكەنىن جانە ۇيقى كەزىندە گادجەتتى توسەككە نەمەسە وعان جاقىن جەرگە قويماۋ كەرەكتىگىن ايتادى.

“The Qazaq Times”