پۋتين ءوزىن بەيبىتشىلىك قورعاۋشىسى ەتىپ كورسەتە باستادى

رەسەيدىڭ قورعانىس مينيسترلىگىنىڭ 14 جەلتوقساندا جاساعان مالىمدەمەسىندە، ءسۇريادا مىندەت وتەگەن Su-34 جويعىش ۇشاقتارىنىڭ رەسەيگە قايتىپ ورالعانىن مالىمدەدى. بۇل تۋرالى «شينلاڭ» اقپاراتتىق سايتى حابارلادى.

رەسەي قورعانىس مينيسترلىگى جاساعان مالىمدەمەدە، «Su-34 سوعىس ۇشاقتارى، ءسۇريا جەرىندەگى مىندەتىن تولىقتاي ورىنداپ، حمەيميم اۋە بازاسىنان رەسەيدىڭ حابوروۆسك اسكەري بازاسىنا ورالدى» دەلىنگەن. بۇل رەسەيدىڭ سۇرياداعى اسكەرلەرىن كەرى قايتارۋ شەشىمىنەن كەيىن، ەكىنشى رەت اسكەري قوسىندارىنىڭ ورالا باستاعانىن مالىمدەۋى. دەگەنمەن، مالىمدەمەدە قانشا سوعىس ۇشاعىنىڭ رەسەيگە قايتقانى تۋرالى انىق مالىمەت جوق.

وسىمەن ءبىر ۋاقىتتا تۇركيانىڭ «اناتولى» اقپارات اگەنتتىگىنىڭ سايتىندا، رەسەي پرەزيدەنتى ۆلاديمير پۋتيننىڭ كەزەكتى جىلدىق قورىتىندى ءباسپاسوز كونفەرەنتسياسىنداعى پىكىرى دە جاريا ەتىلدى. وندا پۋتين اقش-قا حابارلاما جولداپ، «ايۋاندارشا سوعىسا بەرۋدى» توقتاتۋ كەرەكتىگىن ايتقان.

2018 جىلى رەسەيدە بولاتىن پرەزيدەنت سايلاۋىنا بايلانىستى پۋتين الەمگە ادىلەت ورناتۋشى، قۇتقارۋشى بەينەسىندە كورىنۋگە تىرىسىپ جاتقانى بايقالادى.

“The Qazaq Times”