قىتاي سىرتقى ىستەر ءمينيسترى ۋاڭ ي. فوتو: The Sydney Morning Herald.

قىتاي سىرتقى ىستەر مينيسترلىگى يەرۋساليم ماسەلەسىنە بايلانىستى ۇستانىمدارىن جاريا ەتىپ، يسلام ىنتىماقتاستىق ۇيىمىنىڭ شەشىمدەرىنە قولداۋ تانىتتى. بۇل تۋرالى «شينلاڭ» اقپاراتتىق سايتى حابارلادى.

قىتاي سىرتقى ىستەر ءمينيسترى ۋاڭ ي وتكەن اپتانىڭ سوڭىندا قىتايدىڭ وسىعان دەيىن يەرۋساليم ماسەلەسىندەگى ۇستانىمىندا تۇراتىنىن بىلدىرگەن بولاتىن.  بىر كۇن بۇرىن بەيجىڭدە وتكەن ءباسپاسوز ءماسليحاتى كەزىندە قىتاي ءسىم مالىمدەمەشىسى لۋ كاڭ، قىتاي تارابى پالەستينالىقتاردىڭ ءوز قۇقىقتارىن قورعاۋىنا قولداۋ بىلدىرەتىنىن، 1967 جىلعى شەكارا نەگىزىندە شىعىس يەرۋساليمدى استانا ەتكەن تاۋەلسىز پالەستينانىڭ قۇرىلۋىن قۇپتايتىندارىن جەتكىزگەن.

سونىمەن بىرگە قىتاي ءسىم-ءى يزرايل مەن پالەستينا اراسىندا بەيبىتشىلىك كەلىسسوزدەرى بارىنشا تەز جۇزەگە اسىپ، بولۋى مۇمكىن داعدارىستىڭ الدىن الۋىن ءۇمىت ەتكەن.

“The Qazaq Times”