ەردرعان يسلام ەلدەرىنىڭ باسشىلارىمەن. فوتو: Jerusalem Post.

يسلام ەلدەرىنىڭ باسشىلارى ستامبۋلعا جينالىپ شۇعىل كەڭەس وتكىزدى. تالقى تاقىرىبى اقش پرەزيدەنتىنىڭ يەرۋساليم قالاسىن يزرايل ورتالىق قالاسى دەپ مويىنداۋى. جيىندا بۇل شەشىمگە نارازىلى ءبىلدىردى. بۇل تۋرالى BBC-ءدىڭ رەسمي سايتى حابارلادى.

مۇسىلمان ليدەرلەرىنىڭ جيىنىندا تۇركيا پرەزيدەنتى ەردوعان ترامپتىڭ شەشىمىن زاڭسىزدىق دەپ ايىپتادى. ونىڭ ايتۋىنشا بۇل شەشىم وككۋپاتسيالانعان پالەستينادا تەررورلىق توپتاردىڭ كۇش الۋىنا ىقپال ەتەدى. ەردوعان جانە ءيزرايلدى تەررورلىق ەل دەپ باعالاپ، ترامپتىڭ يەرۋساليمدى يزرايل ورتالىعى دەپ تانۋى تەرروريستتەرگە قولداۋ كورسەتۋ بولاتىنىن ايتتى. ستامبۋلدا باس قورسقان مۇسىلمان باسشىلارى ترامپقا قاتاڭ جاۋاپ قايتارامىز دەستى.

تۇركيا پرەزيدەنتى جينالىستا يسلام ەلدەرىنىڭ يەرۋساليمدى پالەستينا استاناسى دەپ مويىنداۋعا شاقىردى. ول سوزىندە: «مەن حالىقارالىق ەرەجەلەردى جانە ادىلەتتىكتى قۇرمەتتەيتىن ەلدەردىڭ يەرۋساليم قالاسىن وككۋپاتسيالانعان پالەستينانىڭ ورتالىق قالاسى دەپ تانۋعا شاقىرام»، – دەگەن. تۇرىك باسشىسى اقش-تىڭ بۇل شەشىمىنە تاباندى تۇردە قارسىلىق بىلدىرەتىنىن جەتكىزدى. پالەستينا پرەزيدەنتى ماحمۇد ابباس يەرۋساليم پالەستينانىڭ بىردەن ءبىر ورتالىق قالاسى دەپ اتاپ، بۇدان كەيىنگى بەيبىتشىلىك كەلىسسوزدەرىنە اقش-تىڭ ارا-اعايىن بولا المايتىنىن ايتتى.

دەگەنمەن يسلام ىنتىماقتاستىق ۇيىمىنىڭ شۇعىل وتىرىسىنان قاندايدا ءبىر ماڭىزدى شەشىم بولا ما دەگەن سۇراق تۋىندايدى. كەيبىر ساراپشىلاردىڭ ايتۋىنشا ۇيىمنىڭ كوپتەگەن مۇشەلەرى ترامپتىڭ شەشىمىن قولداپ، شۇعىل جينالىسقا مينيسترلەرىن جىبەرىپ وتىرعانىن ايتۋدا.

“The Qazaq Times”