پۋتين مەن ەردوعان انكارادا كەزدەسپەك. فوتو: VOA News.

رەسەي پرەزيدەنتىنىڭ سۇرياداعى ساپارى اياقتالعاننان كەيىن كوپ وتپەي، تۇركيانىڭ ورتالىق قالاسى انكاراعا ساپارلاي بارادى. تۇركيا پرەزيدەنتى مەن پۋتين بىرقاتار ماڭىزدى ماسەلەلەردە پىكىر الماسادى دەپ كۇتىلۋدە. بۇل تۋرالى «شينحۋانىڭ» رەسمي سايتى حابارلادى.

پۋتين پەن ەردوعان اراسىنداعى تالقىدا يەرۋساليمنىڭ اقش جاعىنان يزرايل استاناسى دەپ مويىندالۋى جانە ودان كەيىنگى قالىپتاسقان ساياسي جاعدايلار باستى تاقىرىپ بولماق. كەزدەسۋدە تاعى ەكى ەل اراسىنداعى ەنەرگەتيكا سالاسىنداعى ىنتىماقتاستىق تا ءسوز بولادى. الداعى ۋاقىتتا ءسۇريا جەرىندەگى تۇركيا مەن رەسەي ساياساتىنىڭ جاي كۇيى ورتاعا سالىنباق.

تۇركيا مەن رەسەي اراسىنىڭ جاقىنداي ءتۇسۋى باتىس ەلدەرىن الاڭداتادى. بۇل كەزدەسۋ يەرۋساليم ماسەلەسىندە پۋتين مەن ەروعاننىڭ ورتاق پىكىردى ۇستاناتىنىن، سول ارقىلى اقش پەن يزرايل قادامىنا جاۋاپ قايتاراتىنىن اڭعارۋعا بولادى.

“The Qazaq Times”