فوتو: scpr.org

اقش سپورتشىلارىنىڭ وڭتۇستىك كورەيادا وتەتىن قىسقى وليمپيادا ويىندارىنا قاتىسۋ، قاتىسپاۋى ءالى بەلگىسىز –دەپ مالىمدەدى اقش-تىڭ بىرىككەن ۇلتتار ۇيىمىنداعى تۇراقتى وكىلى نيككي حەيلي.

نيككي حەيليدىڭ سوزىنشە، 2018 جىلى وڭتۇستىك كورەيادا وتەتىن قىسقى وليمپيادا ويىندارىنا اقش سپورتشىلارىنىڭ قاتىسۋ، قاتىسپاۋى كورەي تۇبەگىندەگى جاعدايلارعا بايلانىستى. دەگەنمەن دە اق ءۇي امەريكا سپورتشىلارىنىڭ قاۋىپسىزدىگى ءۇشىن بار كۇش-قۋاتىن پايدالانادى. بۇل سپورتشىلار ءۇشىن وتە ۇلكەن مۇمكىندىك. ولار وسى ارقىلى قيىندىقتاردى جەڭۋدى ۇيرەنەدى.

قازىرگى تاڭدا كورەيا تۇبەگىندەگى ساياسي جاعداي تۇراقتى ەمەس. اقش پەن سولتۇستىك كورەيا اراسىنداعى كيكىلجىڭ ۋاقىت وتكەن سايىن ۋشىعۋدا. سولتۇستىك كورەيا اقش پەن بىرىككەن ۇلتتار ۇيىمىنىڭ قارسىلىعىنا قاراماستان ءوزىنىڭ بالليستيكالىق زىمىراندارىن سىناقتان وتكىزۋىن جالعاستىرۋدا.

جالپى، 2018 جىلى وڭتۇستىك كورەيادا وتەتىن قىسقى وليمپيادا ويىندارى ەل ەسىندە ەڭ داۋلى وليمپيادا بولىپ قالاتىنى ءسوزسىز. سەبەبى جاقىندا حالىقارالىق وليمپيادا كوميتەتى ءوز تاريحىندا بۇرىن سوڭدى بولماعان شەشىم شىعارعان. ول رەسەي قۇراماسىن 2014 جىلعى دوپينگ داۋىنا بايلانىستى «پحەنچحان-2018 قىسقى وليمپيادا ويىندارىنان» شەتتەتكەن. حوك شەشىمى بويىنشا، رەسەيلىك سپورتشىلار وڭتۇستىك كورەياعا تەك بەيتاراپ قۇراما رەتىندە عانا بارا الادى.

“The Qazaq Times”