فوتو: AFP

قازاقستاندا وسى جىلى تولەم كارتالارىنىڭ سانى بىردەن 17,7%-عا (2,7 ملن) ارتىپ، قازان ايىنىڭ سوڭىندا 18,2 ملن بىرلىكتى قۇرادى، دەپ حابارلادى Ranking ساراپتاما اگەنتتىگى. وسىدان ءبىر جىل بۇرىنعى كورسەتكىش كەرىسىنشە، 7,1%-عا نەمەسە (1,2 ملن) 15,5 ملن بىرلىككە دەيىن ازايعان. 

بەلسەندى قولدانىلاتىن كارتالاردىڭ سانى 14,2%-عا نەمەسە 9,2 ملن بىرلىككە دەيىن كوبەيگەن. بۇل جالپى قولدانىستاعى كارتالاردىڭ 50,6%-ىن قۇرايدى.

سونىمەن وڭىرلەر اراسىندا تولەم كارتاسىن ەڭ ءجيى پايدالاناتىندار - الماتىلىقتار. ولاردىڭ قولىنداعى 2,9 ملن كارتا كۇندەلىكتى پايدالانىلادى دەۋگە بولادى. كارتالار  سانىنىڭ ءوسىمى 30,8%-دى (680 600 بىرلىك) قۇراعان.

الماتىدان كەيىن كارتانى بەلسەندى قولداناتىندار وڭتۇستىك قازاقستان تۇرعىندارى. مىلىمەتتەرگە سەنسەك، مۇندا 796 200 كارتا كۇندەلىكتى قولدانىلادى.  ال ءۇشىنشى ورىندا كارتانى ءجيى پايدالاناتىن قاراعاندىلىقتار تۇر، قولدانىستاعى كارتالار سانى - 674 900 بىرلىك جانە ءوسىم 4,9%-دى قۇراعان.

سونداي-اق، كارتالاردىڭ بەلسەندى قولدانىلۋىنا بايلانىستى قولما-قول ەمەس تولەم جۇيەسىنىڭ دە كولەمى ارتقان. 2017 جىلدىڭ 10 ايىندا قولما-قول ەمەس تولەم سوڭعى ون جىلعى كورسەتكىشپەن سالىستىرعاندا 86,7%-عا كوبەيىپ، 1,9 ترلن تەڭگە بولعان.

 

ۇلتتىق بانكتىڭ مالىمەتىنشە، قولما-قول ەمەس تولەمدەردىڭ كوبەيۋى تولەم كارتالارى ارقىلى قىزمەت كورسەتەتىن جەلىلەر مەن ينتەرنەت جانە ءموبيلدى بانكينگتىڭ دامۋىنا اسەر ەتكەن.

“The Qazaq Times”