رەسەي مەن قىتاي عارىش قارۋىن جاساۋدا

رەسەي مەن قىتاي عارىش قارۋىن جاساۋدا – دەپ مالىمدەدى اقش قارۋلى كۇشتەرىنىڭ ستراتەگيالىق باسقارۋ باسقارماسىنىڭ باسشىسى جون حايتەن.

حايتەننىڭ سوزىنشە، رەسەي مەن قىتاي عارىش قارۋىن اقش پەن ونىڭ وداقتاستارىنا قارسى قولدانۋ ءۇشىن جاساۋدا. اتالمىش قارۋدىڭ باستى ماقساتى - اقش سپۋتنيكتەرىن ىستەن شىعارۋ. ەگەر پەنتاگون جەر سەرىكتەرى ىستەن شىعاتىن بولسا، وندا يادرولىق شابۋىلعا قارسى تۇرۋعا اقش اۋە قورعانىسى قاۋقارسىز بولادى. سەبەبى يادرولىق شابۋىل جايىندا ەسكەرتۋ جاسايتىن ءدال وسى سپۋتنيكتەر.

ەستەرىڭىزگە سالايىق، بۇعان دەيىن پەنتاگون "اقش قارۋ-جاراق سالاسىندا جىل وتكەن سايىن رەسەي مەن قىتايعا ءوز پوزيتسيالارىن بەرۋدە" - دەپ مالىمدەگەن بولاتىن.

“The Qazaq Times”