"يم" كۇشتەرىنە قارسى توپتاردىڭ قولدانۋىنداعى اقش قارۋلارى. فوتو:Foreign Policy.

27 قاراشا دۇيسەنبى كۇنى اقش ۇكىمەتى مالىمدەمە جاريالاپ، كەيبىر «يسلام مەملەكەتى» ۇيىمىنا قارسى كۇرەسەتىن قارۋلى توپتارعا قولداۋ كورسەتۋدى توقتاتقانىن مالىمدەدى. اق ءۇيدىڭ وكىلى ساندەرس مالىمدەمەدە قۇراما شتات ءسۇريا مەن يراكتاعى «يسلام مەملەكەتىنە» قارسى كۇرەسىپ جاتقان توپتارعا جاسالاتىن كومەكتى قىسقارتۋدى جوسپارلاپ وتىرعانىن ايتتى. دەگەنمەن ول «بۇل ۋاشينگتون وسى ۇيىمعا قارسى كۇرەستەگى بارلىق كومەكتى توقتاتاتادى» دەگەن ءسوز ەمەس ەكەنىن اتاپ ايتتى. بۇل تۋرالى «شينحۋانىڭ» رەسمي سايتى حابارلادى.

اق ءۇي وكىلى سوزىندە اقش-تىڭ اتالعان كومەكتى قىسقارتۋ سەبەبى «يسلام مەملەكەتى» ۇيىمىنىڭ ىقپال كولەمىنىڭ ازايعاندىعىنان دەپ ءتۇسىندىردى. ساندەرس سوزىندە: «ءبىز بەلگىلى ءبىر توپتارعا اسكەري تەحنيكادا كومەك بەرۋدى توقتاتا الاتىن كەزەڭگە جەتتىك، بىراق بۇل جەكەلەگەن توپتارعا قولداۋدىڭ تولىق توقتاتىلۋىن بىلدىرمەيدى»، – دەدى.

وسىدان بۇرىن تۇركيا اقپارات قۇرالدارى ەردوعان مەن ترامپتىڭ تەلەفوندا سويلەسكەنىن، وندا اقش-تىڭ سۇرياداعى توپتارعا قارۋ-جاراق بەرۋىن توقتاتىلاتىنىن حابارلاپ ەدى.

“The Qazaq Times”