ۇلىبريتانيا ەكونوميكاسى ەڭ ءىرى بەس ەلدىڭ تىزىمىنەن شىقتى

ۇلىبريتانيا 2017 جىلعى ەكونوميكاسى ەڭ ءىرى الەم ەلدەرى رەيتينگىندە التىنشى ورىنعا تۇراقتادى. بۇل تۋرالى ەلدىڭ قازىنا جونىندەگى كانتسلەرى  فيليپ حەمموند مالىمدەدى، دەپ حابارلايدى CNN.

حەمموند حالىقارالىق ۆاليۋتا قورى جاريالاعان مالىمەتتەردى نەگىزگە كەلتىرىپ وتىر. رەيتينگتە بريتانيانىڭ الدىنا 2,575 ترلن دوللار جالپى ىشكى ءونىم كولەمىمەن فرانتسيا شىققان. ال بريتانيا كورولدىگىنىڭ جالپى ۇشكى ءونىمى - 2,565 ترلن دوللار. بايقاعانىمىزداي ەكى ەل اراسىنداعى ءجىو كورسەتكىشىندە اسا ايىرماشىلىق جوق، بىراق مالىمەتتەرگە سەنسەك الداعى ۋاقىتتا فرانتسيا ءوزىنىڭ پوزيتسياسىن نىعايتا بەرەدى. مەملەكەت 2013 جىلدان بەرى العاش رەت باسەكەلەسىنەن ءبىر ساتىعا جوعارلادى.

حەمموندتىڭ سوزىنشە، ۇلىبريتانيا ەكونوميكاسىنىڭ بىردەن باسەڭدەپ كەتۋى ەلدىڭ ەۋروپالىق وداقتان شىعۋ تۋرالى شەشىمىمەن بايلانىستى ەكەنىن كورسەتەدى. سەبەبى وسىدان كەيىن فۋند ستەرلينگتىڭ قۇنى تومەندەپ، تۇتىنۋشىلار شىعىنى كوبەيىپ، باعا كوتەرىلگەن.

حالىقارالىق ۆاليۋتا قورى ۇسىنعان رەيتينگتە ەكونوميكاسى ەڭ ءىرى ەل رەتىندە اقش تۇر (19,4 ترلن دوللار). ودان كەيىنگى ورىنداردا  قىتاي (11,9 تريلليونا), جاپونيا (4,9 تريلليون),  گەرمانيا (3,7 تريلليونا).

“The Qazaq Times”