رەسەي ميلليونەر سۋلەيمان كەريموۆتىڭ فرانتسيادا جاۋاپقا تارتىلۋىنا نارازىلىق ءبىلدىردى

رەسەيدىڭ ەڭ باي زاڭگەرى سۇلەيمان كەريموۆقا قارسى فرانتسيادا سالىقتان جالتارعانى جانە زاڭسىز قارجى اينالىمىنا قاتىسى بار دەگەن كۇدىكپەن تەرگەۋ جۇمىستارى باستالدى. ول دۇيسەنبى كۇنى كەشكىسىن نيتستسادا تۇتقىندالدى. رەسەي ۇكىمەتى فرانتسۋز ديپلوماتىن جەكە شاقىرىپ، جاعدايدى تولىق ءتۇسىندىرۋىن جانە ءوز ازاماتىن دەرەۋ بوستاندىققا شىعارۋلارىن تالاپ ەتتى. بۇل تۋرالى ۆۆس اقپاراتتىق اگەنتتىگى جازدى. 

كرەملدىڭ وكىلى: ء"بىز ءوز ازاماتىمىزدىڭ زاڭدى مۇددەلەرىن قورعاۋ ءۇشىن بار كۇشىمىزدى سالامىز", - دەپ مالىمدەدى. سۇلەيمان كەريموۆ فرانتسياعا ديپلوماتيالىق تولقۇجاتپەن كىرگەن. ماسكەۋ ديپلوماتيالىق يممۋنيتەتى بار ازاماتتىڭ اباقتىعا جابىلعانىن ابەستىك كورىپ وتىر.

«روسسيا 24» ارناسى سۇلەيمان كەريموۆ وزىنە تاعىلعان ايىپتاردان تولىقتاي باس تارتىپ وتىرعانىن جەتكىزدى. ونىڭ نەگە تۇتقىندالعانى تۋرالى ناقتى دەرەكتەر جوق. بىراق فرانتسۋز شەنەۋنىگىنىڭ سوزىنە سايكەس، ايىپتار سالىقتان جالتارۋ مەن جەمقورلىققا بايلانىستى.

سۇلەيمان كەريموۆ - رەسەيدەگى قۇنى 6,3 ملرد $ بولاتىن، التىن ءوندىرۋشى «پوليۋس» كومپانياسىنىڭ باسشىسى. رەسەي پارلامەنتىنىڭ جوعارعى پالاتاسىنىڭ سەناتورى، 51  جاستاعى سۇلەيمان كەريموۆ بۇرىن «انجي ماحاچكالا» فۋتبول كومانداسىنىڭ يەگەرى بولعان.

“The Qazaq Times”