بارسەلونادا كاتالونيا ايماعى ۇكىمەتىنىڭ 400-دەن استام قىزمەتكەرى ءوڭىردىڭ اۆتونومدىعىن شەكتەيتىن قۇجاتقا قارسى نارازىلىق شەرۋىنە شىقتى، دەپ حابارلايدى 24.kz.

ولار رەسمي مادريدتەن زاڭنامانىڭ كۇشىن جويۋدى سۇراپ، قاماۋعا الىنعان ءوڭىر باسشىلارىن بوساتۋدى تالاپ ەتتى. شەرۋگە قاتىسۋشىلار ورتالىق بيلىك زاڭدى جولمەن سايلانعان ايماق باسشىلىعىن قۋعىن-سۇرگىنگە ۇشىراتىپ وتىر دەپ ەسەپتەيدى.

ايتا كەتەيىك، قازان ايىنىڭ باسىندا كاتالونيا ايماعىنىڭ ۇكىمەتى ءوڭىردىڭ تاۋەلسىزدىگى تۋرالى رەفەرەندۋم ۇيىمداستىرىپ، ودان كەيىن ەگەمەندىگىن جاريالادى. بىراق رەسمي مادريد سايلاۋدى زاڭسىز دەپ تاۋىپ، ايماق ۇكىمەتى مەن پارلامەنتتى تاراتىپ، تىكەلەي باسقارۋعا كوشتى. ورتالىق بيلىكتىڭ وسىنداي ارەكەتىنەن سوڭ كاتالونيادا ايماقتىڭ تاۋەلسىزدىگى مەن قاماۋداعى ساياسي تۇتقىنداردى بوساتۋدى تالاپ ەتكەن شەرۋلەر تولاستاماي تۇر.

“The Qazaq Times”