فوتو: ۆۆس

رەسەي پرەزيدەنتى ۆلاديمير پۋتين كەشە اقش پرەزيدەنتى دونالد ترامپ جانە ساۋد ارابياسىنىڭ پاتشاسى سالمانمەن تەلەفون ارقىلى اڭگىمە بارىسىندا ءسۇريا ماسەلەسىندەگى ماڭىزدى سۇراقتاردى تالقىلادى. دۇيسەنبى كۇنى سوچي دەمالىس ايماعىندا ءسۇريا باسشىسى باشار اسادتى قابىلداعان ۆلاديمير پۋتين سوڭىنان ەگيپەت جانە يزرايل پرەزيدەنتتەرىمەن تەلەفون ارقىلى بايلانىسقا شىقتى. بۇل تۋرالى APF اقپاراتتىق اگەنتتىگى جازدى. 

كرەملدىڭ ۇسىنعان رەسمي اقپاراتىنا قاراعاندا، رەسەي باسشىسى ءوزىنىڭ امەريكالىق ارىپتەسىمەن باشار اسادپەن وتكەن كەزدەسۋلەرىنىڭ قورىتىندىسىمەن بولىسكەن.

ساراپشىلار رەسەيدىڭ سۇرياداعى سوعىسقا ارالاسۋى باشار اسادتىڭ ۇكىمەتىن ساقتاپ قالعانىن ايتادى. دەگەنمەن باشار اسادتىڭ بيلىكتەن كەتپەۋى الەم باسشىلارىنىڭ ورتاق كەلىسىمگە كەلۋىنە كەدەرگى بولىپ وتىر. باشار اساد وسى اپتانىڭ باسىندا رەسەيگە 2015 جىلى اسكەري كومەك بەرگەنى ءۇشىن العىس ايتا كەلگەن ساپارىنان كەيىن ەكىنشى رەت تابان تىرەدى.

سەيسەنبى كۇنى رەسەي باسشىسى چەحيانىڭ پرەزيدەنتى ميلوش زەمانمەن كەزدەسۋ بارىسىندا باشار اسادتىڭ اسكەري كۇشتەرى ءسۇريا جەرىنىڭ 98 پايىزىن قايتارىپ العانىن ايتقان بولاتىن. ءوز كەزەگىندە چەحيالىق ارىپتەسى ۆلاديمير پۋتينگە: ء"سىز ءسۇريادا جەڭىسكە جەتتىڭىز!", -دەدى.

“The Qazaq Times”