فوتو: Radiotochka.kz

قر ۇلتتىق ەكونوميكا مينيسترلىگىنىڭ مالىمەتىنشە، 2017 جىلعى قىركۇيەكتە حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىسى 79391 تەڭگەنى قۇراعان، البۇل 2016 جىلعى قىركۇيەككە قاراعاندا 4,3% جوعارى،  دەگەنمەن ناقتى اقشالاي تابىس كورسەتىلگەن كەزەڭدە 2,6% تومەندەگەن.

بۇدان بولەك مينيسترلىك ورتاشا جالاقىعا قاتىستى دا اقپاراتتى ۇسىندى. 2017 جىلعى قازاندا ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 149917 تەڭگە بولعان.

ال جۇمىسسىزدىق دەڭگەيى وزگەرىسسىز. 2017 جىلعى قازاندا جۇمىسسىزدار سانى باعالاۋ بويىنشا 438,2 مىڭ ادامدى قۇرادى. جۇمىسسىزدىق دەڭگەيى جۇمىس كۇشى سانىنا 4,9% قۇرادى. بۇدان بۇرىن ۇسىنىلعان مالىمەتتەردە دە جۇمىسسىزدىق دەڭگەيى ءدال وسىلاي كورسەتىلگەن ەدى.

جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 2017 جىلعى قازاننىڭ سوڭىنا 134,6 مىڭ ادام بولعان نەمەسە جۇمىس كۇشىنىڭ 1,5%-ىن قۇرايدى.

“The Qazaq Times”