گەرمانيا سەگىز ساعاتتىق جۇمىس ءتارتىبىن الىپ تاستاۋدى ۇسىندى

گەرمانيادا نەمىس كومپانيالارى باسەكەگە قابىلەتتى بولۋى ءۇشىن الدەقايدا ەركىن جۇمىس كەستەسى بولۋى كەرەك. بۇل تۋرالى گفر ۇكىمەتى جانىنداعى ەكونوميكالىق ساراپشىلار كەڭەسىنىڭ توراعاسى كريستوف شميدت Welt am Sonntag گازەتىنە بەرگەن سۇحباتىندا مالىمدەگەن. 

"جاڭاشا، الەمدەگى تسيفرلى تەحنولوگيالار بويىنشا ءومىر سۇرگىسى كەلەتىن فيرمالار جىلدام كوماندا قۇرىپ، وڭتايلى جۇمىس ىستەي الۋى ءتيىس. ال تاڭەرتەڭ وفيستە باستالىپ، كەشتە وفيستە اياقتالاتىن جۇمىس كۇنى ءتارتىبى ەسكىرگەن", - دەيدى شميدت.

بۇدان بولەك ول مۇنداي ەڭبەك زاڭى رەفورماسى "جاسىرىن تۇردە جۇمىس ۋاقىتىنىڭ ۇلعايۋىنا" اكەپ وتىر دەگەندى ايتادى. "جۇمىس بەرۋشىلەر وسىنى قالايتىن شىعار. بىراق مۇندا جۇمىس كۇنى كۇن مەن جۇمىس اپتاسى اراسىندا الدەقايدا ەركىن بولۋى ءسوز بولىپ وتىر", - دەدى كەڭەس توراعاسى.

Welt am Sonntag باسىلىمىنىڭ مالىمەتىنشە، گەرمانيا جۇمىس بەرۋشىلەرى 8 ساعاتتىق جۇمىس رەجيمىن الىپ تاستاپ، ءبىر اپتا ىشىندەگى شەكتەۋلى جۇمىس ءتارتىبىن ساقتاپ قالۋدى تالاپ ەتۋدە.